image source:(google)
အရာဝတ္ထုတစ်ခု၌လျှပ်စစ်ဓာတ်ရှိမရှိကိုလျှပ်စစ်ဓာတ်ငြိမ်၏လက္ခဏာအားဖြင့်စမ်းသပ်ရှာဖွေနိုင်သည့် ကရိယာမျိုးကို အီလက်ထရိုစကုပ် လျှပ်စစ်ဓာတ်ရှာ ကရိယာ ဟုခေါ်သည်။ အလွယ်ဆုံးအီလက်ထရိုစကုပ်မှာပိုးချည်မျှင်ဖြင့် ဆွဲထားသော ဖော့လုံးကလေးဖြစ်သည်။ ထိုဖော့လုံးကလေးကိုလျှပ်စစ်ဓာတ်ဝင်နေသည့် ပစ္စည်းအနီးသို့ ပြသောအခါ လျှပ်စစ်ဓာတ် ရှိရိုးမှန်ကဖော့လုံးကလေးကိုဆွဲငင်ပေလိမ့်မည်။အကောင်းဆုံးသောအီလက်စထရိုစကုပ်မှာ သတ္တုချောင်းတစ်ခု ထိပ်ဖျား၌ ရွှေမျက်ပါး နှစ်ရွက်ကိုဘေးတိုက်ယှဉ်ပြီးဆွဲချိတ်ထားသည့် ကရိယာဖြစ်သည်။ရွှေမျက်ပါးတို့ကိုလေမတိုက်ခိုက်နိုင်စေရန် ဖန်ဗူးထဲ၌ ထည့် ထားပြီးလျှင် သတ္တုရိုးတံ၏ အပေါ်ဖက်ထိပ်၌ ကြေးဝါပြား သို့မဟုတ်ကြေးဝါဖုလုံးတစ်ခုတပ်ဆင်ထားလေ့ရှိသည်။ ရွှေမျက်ပါးများတပ်ထားခြင်းကို အကြောင်းပြု၍ ထိုကရိယာကို ရွှေမျက်ပါး အီလက်ထရိုစကုပ် ဟုခေါ်ကြသည်။ အဆိုပါ ကြေးဝါဖုအနီးတွင် လျှပ်စစ်ဓာတ်ငြိမ် အဖိုဖြစ်စေ၊ အမဖြစ်စေသွင်းပေးထားသော ပစ္စည်းတစ်ခုကို ပြသောအခါ ရွှေမျက်ပါး နှစ်ခု၌လည်း လျှပ်စစ်ဓာတ်ဖြစ်ပေါ်လာသည်။ သို့သော်ဤလျှပ်စစ်ဓာတ်မှာမျိုးတူဖြစ်နေသဖြင့် မျိုးတူဓာတ်ခြင်းတွန်းဖယ်တတ်သည့်အတိုင်း ရွှေမျက်ပါးနှစ်ခုသည် ပူးနေရာမှ တစ်ခုစီ ကွဲ ပြီးကားထွက်သွားလေသည်။ရွှေမျက်ပါးတို့သည် လျှပ်စစ်ဓာတ် များလျှင် များသလို နည်းလျှင် နည်းသလို ကားထွက်ကြ၍ လျှပ် စစ်ဓာတ်ကုန်ခမ်းသွားသောအခါ ပြန်၍ ပူးမြဲပူးသွားပြန်လေသည်။ ဤကရိယာတွင် ရွှေအစား အလျူမီနီယမ်ခေါ် ဒန်ကိုလည်း မျက် ပါးပြုလုပ်၍ အသုံးပြုနိုင်သည်။ကျွန်ုပ်တို့သည် တစ်ခါတစ်ရံလျှပ်စစ်ဓာတ်စီးနေသော ဓာတ်ကြိုးနှင့် မတော်တဆ ထိမိသောအခါ တစ်ကိုယ်လုံးကျင်သွားလောက်အောင် ဓာတ်လိုက်တတ်သည်ကိုတွေ့ကြုံဖူးကြပေမည်။ဤသို့ဓာတ်လိုက်ရာတွင်ဓာတ်အားကြီးလျှင် အသက်ဘေးကိုပင် ရန်ရှာနိုင်သည်။ ဤသို့လျှပ်စစ်ဓာတ်လိုက်သော ပစ္စည်း တနည်းအားဖြင့်လျှပ်စစ်ဓာတ်ကိုစီးဖြတ်ခွင့်ပေးသည့်ပစ္စည်းမျိုးကိုကွန်ဒပ်တားဓာတ်လိုက်ပစ္စည်းဟုခေါ်သည်။လျှပ်စစ်ဓာတ်စီးဖြတ်ခွင့်မပေးသည့် ပစ္စည်းမျိုးကိုမှု နန်းကွန်ဒပ်တား ဓာတ်မလိုက်ပစ္စည်းဟုခေါ်၍ ဤပစ္စည်းမျိုးကို လျှပ်စစ်ဓာတ်မလိုက်အောင် ကာကွယ်သည့် နေရာ များ၌ အသုံးပြုရသဖြင့်အင်ဆူလေးတား ဓာတ်ကာပစ္စည်းဟု လည်း ခေါ်သည်။ ကမ္ဘာပေါ်ရှိ ဒြဗ်ဝတ္ထုဟူသမျှတို့သည် ဤနှစ်မျိုး နှစ်စားတွင် တစ်မျိုးမျိုး၌ ပါဝင်ကြသည်။ သတ္တုအားလုံး လူ၏ ကိုယ်ခန္ဓာ၊ ကမ္ဘာမြေ၊ ရေ၊ စိုစွတ်သော အရာဝတ္ထု၊ စိုထိုင်းသောလေ စသည်တို့သည်ဓာတ်လိုက်ပစ္စည်းများဖြစ်ကြ၍ အက်ဗိုနိုက်၊ ဖန် ကြက်ပေါင်စေး၊ ပိုး၊ ကန့်၊ ဖယောင်း၊ကြွေ၊စက္ကူ၊ခြည်မျှင်၊ခြောက်သွေ့သော သစ်သား၊ ခြောက်သွေ့သောလေ စသည်တို့ သည် ဓာတ်မလိုက်ပစ္စည်း သို့မဟုတ် ဓာတ်ကာပစ္စည်းများ ဖြစ်ကြသည်။
