Bukon le sayang lon kalon panyot
Mate sigo phot lam angen raya
Sembahyang Beu Yakin ibadat beujeumot
Adak trok maot Kana pu taba
Tajak u rigah singgah u calang
Tamong lam pekan tajak belanja
Haba nasehat sipatah kalam
Saboh karangan keu tanda mata
Gunong sibayak puncak lam awan
Antara medan deungon brastagi
Narit mustahak sikrek lon bayang
Deungo hai Rakan ulon peugah kri
Meunyo na mudah tajak u haji
Bak kubu nabi beutrok ta teuka
Zakeut beu taboh fitrah beu tabri
Ta peugleh diri jeut jeut anggota
Buleun Rajab kabeh hai akhi
Tamong kembali lam buleun sya'ban
Ta peugleh tuboh ban Mandum Akhi
Buleun ummati sambot le rijang
Talake do'a nibak ilahi
Mandum insani inong ngon Agam
Beusehat tuboh mudah raseuki
Sambot kembali buleun ramadhan
Buleun amponan rahmat Tuhan bri
Siribe kali neubi balasan
Soso yang senang dudo tuhan bri
Syuruga tinggi gata geuhidang