Johnnalsam
image source:(google)
ကျောင်းသူကျောင်းသား၊ အိမ်ရှင်မများ၊ ကုန်သည်ပွဲစား၊အလုပ်သမားလယ်သမားများနှင့်သိပ္ပံပcညာရှင်များပါမကျန်ကြီးငယ်မဟူ လူတိုင်းတတ်အပ်သည့် ပညာတစ်ရပ်မှာ ဂဏန်းသင်္ချာဖြစ်၏။လူတို့၏လုပ်ငန်းဆောင်တာအဝဝတွင်ဂဏန်းသင်္ချာသည်အခြေခံဖြစ်ရကား၊ လူတိုင်းလူတိုင်း ဂဏန်းသင်္ချာ ဗဟုသုတနှင့် ပြည့်ဝရန် လိုအပ်လေသည်။ မည်သည့်နိုင်ငံမဆို စာရေးစာဖတ်အပြင် အတွက်ဟူသော ဂဏန်းသင်္ချာအတတ်ကိုပါ မူလအခြေခံဟု သတ်မှတ်သည်။သင်္ချာသည် ရေတွက်ခြင်းကိုပြသည်။ ဂဏန်းသင်္ချာသည် ဂဏန်းဖြင့်ရေတွက်ခြင်းပညာဟုအဓိပ္ပာယ်ရသည်။သို့သော်လည်းဂဏန်းဖြင့်ရေတွက်သည်ထက် များစွာကျယ်ဝန်းလာသော ပညာဖြစ်သည်။ အရေအတွက်တစ်ခုခုကို ကိန်းတစ်ခုအနေ ဂဏန်းခြေဖြင့်ရေးပြပြီးသည့်နောက် ကိန်းချင်းပေါင်းခြင်း၊နုတ်ခြင်းစသောအမှုကိစ္စများကို ဆောင်ရွက်ရာ၌ ကိန်းပြဂဏန်းချင်း ပေါင်းခြင်း၊ နုတ်ခြင်းများကို လုပ်ဆောင်ရရာ ယင်းကိုပင် ဂဏန်းတွက်ခြင်းဟုဆိုကြသည်။ တစ်ခါတစ်ရံ အတွက်တွက်သည်ဟု ဆိုကြသည်။ဂဏန်းခြေခေါင်းစဉ်အောက်တွင် ရောမလူမျိုးတို့၏ ကိန်းရေးကိန်းဖတ်စနစ်ကို ဖော်ပြခဲ့ရာယင်းတို့၏အပေါင်းအနုတ်သဘောများ သက်ရောက်နေပြီး ဖြစ်သည်ကို ကြည့်ရခြင်းအားဖြင့် လူများသည် ကိန်းများကို မရေးတတ်မီကပင်ပေါင်းတတ်နုတ်တတ်နေသည်ဟု ယူဆရန်ရှိသည်။ရောမလူမျိုးတို့၏ သင်္ချာပညာရပ်၌-တစ်ကို Iငါးကို Vတစ်ဆယ်ကို Xငါးဆယ်ကို Lတစ်ရာကို Cတစ်ထောင်ကို M ဟုအမှတ်သညာပြုကြသည်။ရှစ်ဆယ်ကိုတိုတိုဖြင့် ငါးဆယ်နှင့်သုံးဆယ် နှစ်ခုပေါင်းအနေဖြင့် LXXXဟု၎င်း၊ကိုးရာကိုတစ်ထောင်တစ်ရာလျော့အနေဖြင့် CM ဟု ၎င်း ရေးပြခဲ့ကြသည်မှာ အထက်ကဆိုခဲ့သည့်ကိန်းကို မရေးတတ်မီ ပေါင်းတတ်နုတ်တတ်သည်ဟူသောအဆိုကို ထောက်ခံလျက်ရှိနေသည်။အပေါင်းအနုတ်သင်စကလေးသူငယ်များသည်လက်ချိုးရေတွက်၍ ပေါင်းခြင်း၊ နုတ်ခြင်းပြုလုပ်သကဲ့သို့ပင် ရှေးအခါကလူများသည်လည်းထိုကဲ့သို့ပင်လုပ်ခဲ့ကြသည်ဟုအနောက်နိုင်ငံသင်္ချာသမိုင်းများကဆို၏။ပေါင်းနုတ်ရန်အကြောင်းပေါ်လာလျှင် လက်တွေ့နည်းဖြင့် လက်ကိုချိုး၍ဖြစ်စေ၊ ရေတွက်ရာ၌ အကူအညီယူခဲ့သည့်ပေသီးခုံကို အသုံးချ၍ဖြစ်စေ၊ အလားတူ အကူအညီ တစ်မျိုးမျိုးဖြင့်ဖြစ်စေတွက်ချက်၍အဖြေမျှလောက်ကိုသာရေးမှတ်ကြသည်။နှစ်ပေါင်းများစွာ ကြာရှည်မှ ယခုပေါင်းနုတ်နည်းမျိုးကို ရရှိအသုံးပြုခဲ့ကြခြင်းဖြစ်သည်။အမြှောက်အစားတွက်များကို ထိုထက်များစွာ နောက်ကျ၍ ခရစ်၁၂ဝဝပြည့်နှစ်လောက်ကျမှယခုတွက်နည်းမျိုးဖြင့်တွက်နိုင်ခဲ့ကြသည်။ထိုခေတ်မတိုင်မီကအမြှောက်အစားကိုတွက်ရန်ရှိလျှင်အဖြေကိုတွေ့သည်တိုင်အောင် ပင်ပန်းကြီးစွာဖြင့် အကြိမ်ကြိမ်ပေါင်းနုတ်၍ တွက်ခဲ့ကြသည်ကို ကြည့်ရသော်လူများသည်အမြှောက်အလီဇယားများကိုကောင်းစွာမတတ်ကြသေးဟူ၍သော်၎င်း၊ကောင်းစွာအသုံးမပြုတတ်ကြသေးဟူ၍ သော်၎င်း ယူဆရသည်။ ရရှိသောအဖြေကို ကိုးဖြင့်ချေ၍ ချိန်ထိုးနည်းဖြင့်မှန်သည် မမှန်သည်ကို စစ်ဆေးကြည့်ရှုလေ့ရှိကြသည်။ မြန်မာတို့၏ ကိုးကြောင်းတွက်နည်းသည်လည်း ရှေးကျသောနည်း တစ်နည်းဖြစ်သည်။ ၅x ၅ အထိအလီဇယားကိုကျက်မှတ်ထားပြီးသည်နောက်၅x၅ဆထက်၁ဝx၁ဝအထိအမြှောက်များကို တွက်ရာ၌ လက်ချောင်းကလေး များဖြင့် တွက်သောနည်းမှာ ရှေးက အီတလီပြည်တွင် ပေါ် ပေါက်ဖူး၍မှတ်သားဖွယ်ရာကောင်းသည်။
