Abeh puasa , ji pubut maksit...
Muda ngon ubit , soe larang hana..
Ladom cok cewek , jiba peu teu bit...
Jijak sungket pit , bak uroe raya...
Poma ngon ayah , di rumoh geu dhit...
Aneuk jicok pit , geu teu pue hana...
Aneuk ka bebas , kajeut gob gapit..
Izin peu teu bit , geu larang hana...
Jijak poh lapan , sidara teu bit....
Jiwoe lheuh mugreb , atawa jula...
Hana geu tanyong , nibak aneuk mit..
Soe ngon ka teu bit , ikah hai dara?????
Ka geu peu bebas , ban heut aneuk mit..
Oh si ngoe meu grit , hana geu kira...
Pue lom oh ji woe , ji puwoe boh sprit..
Makanan krib krib , ji puwoe keu ma...
Di poma seu nang , aneuk hana krit...
Akai cukob dhit , jinoe sidara....
Beu na neu cegah , si dara teu bit....
Neu sudi beu dhit , hai ayah poma...
Meu nyoe lon peugah , bit bit si keu bit...
Akhe neuh meu grit , ngon poe rabbana...
Tanggong ngon jaweub , ngon allah bit bit..
Hukom jih wajeb , jaga si dara....
Pue lom di donya , kateu lah neuh bit....
Watei lheuh gatib , peu rawan hana...
Ngon nyoe ji pubut , ngon jeh ji gatib..
Saweub aneuk dhit , rame yang suka...
Ji teu ka karu , watei lheuh gatib...
Watei lakoe glib , agei mon tuha...
Mu baroe teu lah , lam babah teu bit...
Pakon aneuk mit , han got lon jaga...
Nyoe yang ka paloe , si tumpoe meu pit...
Suwah peu teu bit , jeu lamei ganda...
Ka suwah gantoe , salen peu teu bit...
Malei bit keu bit , ngon kaom lingka..
Di donya hina , hana yum keu bit..
Ngon allah meu grit , apui nuraka...
Tan guna tamoe , agei nyoe keuh bit...
Jaga aneuk mit , yoh goh binasa...
