Teungoh that indah buleun ta pandang.
Didalam awan meu ble-ble cahya.
Teungoh ta gaseh tapujo sayang.
Sidro pujaan ngeon punoh rasa.
Diteuka reudok di langet manyang.
Cahya buleun trang gadoeh bak mata.
Pujaan hate gadoeh tan bayang.
Tinggai keunangan hana meuhoka
Dinda ibarat bungoeng ban keumang.
Indah bak karang ceudah mahkota.
Hana teujalok troeh laen kumbang.
Bungong idaman kaijak raba.
Jino hana le gaseh ka leukang.
Cinta ka malang ka teu ilanya.
Seubab kareuna hina di pandang.
Seubab hana cam keon ureung kaya.
Memang han sabe sikin ngoen parang.
Jioh bandengan gasien deungon kaya.
Mungken ka nasieb teuh ka malang.
Tan moto sedan lage gob yang ba.
Sehingga cinta ngeon gaseh deungon sayang.
Hantroek tujuan lage ban pinta.
Beuthat suetia jujur koen wayang.
Putoeh hubungan seubab tan harueta.
Mungken kanasib lage nyo malang.
Mungken ujian dari maha kuasa.
Golom troek wate meusampe datang.
Judo bak rahman go lom jeut nyata
Ta peumeuah loen hai bungoeng lawang.
Ka ta meurakan ngeon ureung papa.
Ka roeh ta taturi ngeon lon tan kijang.
Meuah lon tuan kaleubeh rasa.
Moga di gata hudep beu seunang.
Deungon pilihan ganteng meuhareuta.
Beuthat pih gata sabe loen keunang.
Kareuna perasaan hanjeut loen paksa.
teurimong geunaseh keurakan mandum
