(kawan bikin sate di kos, banda aceh)
Assalamualaikum rakan meutuwah, pue haba yang disinan? Ho na lupah ka buno uroe raya??pue na jak bak raja dibanda aceh? Raja siat (plt gubernor) di aceh beuno beungeh na geu sie lumoh ube raya pue ureung droe na meureumpok jatah?Loen tuwan ka loen woe u gampong jadi hana mereumpok saweub hana di sideh meudeh meu saboh tumpok na jeut tarasa ata peuguasa bi, pajan lom meuye koen kali nyoe.
Kareuna loen woe keuno jadi hana si seureta loen hana teumeung kalon pawai malam uroe raya di kuta banda aceh kiban meriah, disino hana meriah pulom ujen beuklam, loen tuwan lam ujen payah jak sawe nenek loen nyang saket kop brat geupeugah le mabit jadi hana loen peutre le lam ujen aju gah honda ngen ayah jak sawe ureung kamoe cinta.
(daging sudah di tusuk tinggal dipanggang)
Jadi man kiban pawai uroe raya di banda aceh na meriah? Loen tuwan hana meuteumeung eu. Meuye pawai 17 barosa na loen kalon kop meriah tapi pawai teukeubi hana loen eu. So na jak teukeubi di banda aceh? Pue na meriah siat lage pawai 17, loen woe ugampong saweub ka geupesan le poma ngen syara-syara geuyi urow raya di gampong adak 2 uroe pih jeut nyang peunteng meusapat mandum.
Troh ugampong loen pih hana lupah saho saweub mak pih kureng sihat jadi loen payah jaga mak seweub di infus malam uroe raya. Jatah koen loen nyang jaga saweub loen kalon mandum ka abeh eh makajih loen jaga bek sampe abeh ie infus hana so eu.
(Persiapan untuk panggang sate)
Saweub jaga mak loen tuwan beuklam jadi hana meuteumung jak sembahyang uroe raya u mesjid, poh 5 suboh mata han item jaga le. Suboh-suboh hana, kakeuh lage nyan demi keu ureung tanyoe cinta. Uroe raya kali kop le musibah lam keluarga kamoe, nenek sakit, mak saket, keponaan na 2 droe yang saket sep lengkap uroe raya kali nyoe.
Uroe raya kali rasa kop brat beda ngen uroe raya biasa jih, biasakamoe meusapat mandum lam keuadaan bahagia tapi kali nyoe lam keuadaan kureng sehat, mungken nyan saboh cobaan geubi le po geutes geuneuk eu na saba hamba ngeuh nyan.