Bak jameun dile masa tufheun nabiullah Nuh.Allah neu peurintah Nabi Nuh dan ureung yang tem meu iman masa nyan untuk ek kapai supaya bak keunong ie raya.
Allah neu peurintah pula neyu peu ek binatang sipasang sapu-sapu.
Lheuh mandum lam kapai Allah nebi ujeun seulama sibuleun peunoh.seuhingga hana sapu pih tinggai hana ngoep hanyeoet lam ie raya.
Seulama leubeh sibeuleun Nabi Nuh dan umat serta binatang lam kapai nabi Nuh neu peurintah lah bak iteuk ie supaya jijak pantoe pu saroet ie.pu na gunoeng yang deuh pucak hana le ngoep ie raya.
Iteuk ie bak masa nyan sabieh binatang yang cantek that rupa.gleh meukilat serta tajam jipoe bak lage kilat.seuhingga beurangkat lah iteuk ie jijak kalon gunoeng lage amanah nabiullah Nuh.
Ka seupot uroe itek hana jiwoe-woe seuhingga nabi Nuh ka susah neuh bak neupreh haba dari iteuk.
Seuhingga neukhen le Nabi "so tem poe jal seutot iteuk.kadang ka masalah di ijih lam rantoe".wate ji seot le mirah pati " jeut lon jak ya Rasulullah", seuhingga berangkatlah mirah pati jak seutot iteuk.wate nyan mirah pati hanya cicem biasa.hana tari dan broek rupa.
Bak seupot uroe nyan mirah jijak seutot iteuk.ban jikalon iteuk tengoeh lale ji meuroek- roek bak ie raya.karna na saboeh gunoeng ka deuh puncak jih.kemudian mirah patinji peugah " alai hai iteuk.geuyu jak mita beurita le Rasulullah kah lale ka meun kedroe.bit hana amanah sagai".iteuk ji seot " keu noe katreun aju..jai that aneuk seureudeng nyo pat lam ie nyoe.siat tek kon jeut cit tawo sama- sama".
Seuhingga mirah pati langsong jipoe jijak woe jijak meurumpok Rasulullah han jipateh cakoe iteuk.ukeu Rasulullah mirah pati jidoeng."wahai rasulullah.kalheh lon pubut amanah droneuh.kalheh lon seutot iteek dan kalheh lon jak pantau ie raya.".
" meuroet pantauan lon ie raya ka suroet ya Rasulullah.na gunoeng yang ka deuh pucak.wa amma iteuk lon teume teungoeh lale jimeu roek-roek ya rasulullah.".sehingga wate nyan rasulullah Nabiullah Noh neu meudoa bak Allah." Ya Alah.neubi beu reukat keumirah pati.neubi gaki jih mirah seubagoe tanda ji bloeh tanoeh gunoeng amanah lon.serta neubi beujinak deungoen manusia dan beu jeut keu cicem yang teuga pee"..
Wa amma keu iteuk Nabi Noh neumeudoa " ya Allah nebi iteuk ie bek le jeut jipoe.nebi makanan jih dari ji meu roek-roek bak tempat-tempat kuto".
Dengan seubab nyan keuh maka iteuk ue dan mirah pati lage nyan sampoe an jinoe.