စိတ်ဖိစီးမှုကြောင့်ဖြစ်တဲ့ ခန္ဓာကိုယ်ရဲ့ဒုက္ခများ
ကျွန်ုပ်တို့ရဲ့ အတွင်းစိတ်ထဲမှာခံစားနေရတာတွေကထင်ထားတာထက် ပိုပြီး ခန္ဓာကိုယ်ကိုဒုက္ခပေးနိုင်ပါတယ်။
တစ်ခါတစ်ရံမှာအကြောင်းရင်းရှာမရတဲ့ ရောဂါတွေဟာစိတ်ဖိစီးမှုကြောင့်ဆိုတာကိုတွေ့ရှိရပါတယ်။ ဒါကြောင့် စိတ်ဖိစီးမှုကြောင့် ခန္ဓာကိုယ်မှာ ပြတတ်တဲ့လက္ခဏာတွေကိုဖော်ပြပေးချင်ပါတယ်။ စိတ်ဖိစီးမှုကြောင့် ဖြစ်တယ်လို့ သိထားရင် အဖြေရှာနိုင်စေဖို့ပါ။
ပင်ပန်းနွမ်းနယ်ခြင်း ကိုယ်တွင်းစနစ်တွေအပေါ်မှာအမြဲဖိအားသက်ရောက်နေတဲ့အခါမှာအချိန်တိုင်းပင်ပန်းနွမ်းနယ်မှုကိုခံစားရစေပါတယ်။ စိတ်ဖိစီးမှုကဒီပြဿနာကိုပဲအချိန်တိုင်းထပ်ခါထပ်ခါ ခေါင်းထဲရောက်နေတဲ့အတွက် အိပ်မပျော်လည်း ဖြစ်စေပါတယ်။ ဦးနှောက်ကအဖြေကိုရဖို့အတွက် အချိန် ပိုပြီးအလုပ်လုပ်နေရလို့ ဖြစ်ပါတယ်။
သွားကြိတ်ခြင်း သွားကြိတ်တာကတော့ စိတ်ဖိစီးမှုကြောင့် အိပ်ရေးပျက်တာနဲ့ ဆက်နွယ်နေပါတယ်။ အာရုံကြောတွေကအနားမရဘဲအလုပ်လုပ်ရတဲ့အခါမှာပါးစပ်မှာလာပြီးအလုပ်လုပ်စေပါတယ်။ သွားကြိတ်ခြင်းကြောင့် သွားပြဿနာတွေ ဖြစ်စေနိုင်သလိုမေးရိုးတွေကိုလည်းနာကျင်စေပါတယ်။
ခေါင်းကိုက်ခြင်း တင်းအားကြောင့် ခေါင်းကိုက်ခြင်းကလည်းစိတ်ဖိစီးမှုကြောင့်ပါ။ ခေါင်းတစ်ခြမ်းစီမှာဖိထားသလိုမျိုးကိုက်နေပြီးခေါင်းတစ်ခါ ကိုက်ရင် နာရီဝက်ကနေပြီးနာရီအနည်းငယ်အထိ ကြာတတ်ကာလည်ပင်းနဲ့ ပခုံးများတောင့်တင်းခြင်းနဲ့ တွဲပြီး ဖြစ်တတ်ပါတယ်။ ဒီလိုခေါင်းကိုက်တာမျိုးကိုပုံမှန်ခံစားရနေပြီဆိုရင်တော့ စိတ်ဖိစီးမှုတွေ ရှိနေလို့ ဖြစ်ပါတယ်။
မူးဝေခြင်း မူးဝေခြင်းကစိတ်ဖိစီးမှုတွေ၊ စိုးရိမ်ပူပန်မှုတွေနဲ့ ဆက်စပ်နေပါတယ်။ အရမ်းပင်ပန်းလာတဲ့အခါမှာခေါင်းကိုက်ခြင်း၊ မူးဝေခြင်းတွေကိုခံစားရလေ့ရှိပါတယ်။
အူပြဿနာများ စိတ်ဖိစီးမှု ဖြစ်တဲ့အခါမှာဗိုက်အောင့်ခြင်း၊ ဗိုက်ကယ်ခြင်း၊ ဝမ်းပျက်ခြင်းနဲ့ ဝမ်းချုပ်ခြင်းစတာတွေကိုခံစားရပါတယ်။
ကာမဆက်ဆံလိုစိတ် မရှိခြင်း စိတ်ဖိစီးတဲ့အခါမှာစိတ်ဖိစီးမှုကြောင့်ဖြစ်တဲ့ ဟော်မုန်းတွေ ထွက်လာပြီးဟော်မုန်းညီမျှမှုကိုထိခိုက်စေကာကာမဆက်ဆံလိုစိတ်မရှိ ဖြစ်စေနိုင်ပါတယ်။
အစားစားချင်စိတ် နည်းခြင်း (သို့) များခြင်း ခဏတာစိတ်ဖိစီးမှု ခံရချိန်မှာတော့ အစာစားချင်စိတ်မရှိ ဖြစ်နိုင်ပါတယ်။ ဒါပေမဲ့ အချိန်အတော်ကြာအောင် စိတ်ဖိစီးမှုတွေ ဖြစ်လာတဲ့အခါကျတော့ အစာစားချင်စိတ် (အထူးသဖြင့် ချိုပြီးကစီဓာတ်များတဲ့ အစာများ) ပိုများစေတဲ့ cortisol လို့ခေါ်တဲ့ ဟော်မုန်းတွေ ထွက်လာစေပါတယ်။ ဒါကြောင့် စိတ်ဖိစီးမှုကြောင့် အစားအသားကုန်စားကြခြင်း ဖြစ်ပါတယ်။
ဆံပင်ကျွတ်ခြင်း စိတ်ဖိစီးမှုကြောင့် ဆံပင်ကျွတ်စေနိုင်တဲ့ အခြေအနေအမျိုးမျိုးကို ဖြစ်စေနိုင်ပါတယ်။ ဆံပင်ကျွတ်တာ၊ ထိပ်ကွက်ထိပ်ပြောင်ဖြစ်တာကကျန်းမာရေးကိုမထိခိုက်စေနိုင်ပေမယ့် ဘဝအရည်အသွေးနဲ့ ကိုယ့်ကိုယ်ကိုယ် ယုံကြည်မှုတွေအပေါ်မှာအကျိုးသက်ရောက်မှု ရှိစေပါတယ်။ ဆံပင်ကျွတ်ပုံကျွတ်နည်းအမျိုးမျိုးရှိပါတယ်။ အချို့က ဆံပင် အများကြီး ရုတ်တရက် စကျွတ်ပြီးအချို့ကတော့ နေ့စဉ် ပုံမှန်ကျွတ်နေကျထက် ပိုပြီးကျွတ်လာပါတယ်။
နေမကောင်း ဖြစ်လွယ်ခြင်း နေမကောင်း ဖြစ်လွယ်ခြင်း၊ ဒဏ်မခံနိုင်ခြင်းစတာတွေကလည်းစိတ်ဖိစီးမှုကြောင့် ကိုယ်ခံအားစနစ် အားနည်းသွားလို့ ဖြစ်နိုင်ပါတယ်။
နှလုံးခုန်မြန်ခြင်း စိတ်ဖိစီးမှု ဖြစ်တဲ့အခါမှာသွေးစီးကြောင်းထဲကိုထွက်လာတဲ့ ဓာတုဓာတ်တွေက နှလုံးခုန် မြန်စေနိုင်သလိုအသက်ရှူလည်း မြန်စေပါတယ်။
အာခြောက်ခြင်း စိတ်ဖိစီးမှု ဖြစ်တဲ့အခါမှာ ဖြစ်တဲ့ခန္ဓာကိုယ်ရဲ့ တုံ့ပြန်မှုကြောင့် ပါးစပ်ထဲမှာတံတွေးထွက်တာနည်းသွားစေပြီးအစားအစာတွေ မျိုချရတဲ့အခါမှာမသက်မသာခံစားရစေနိုင်သလိုဘက်တီးရီးယားပိုးဝင်ခြင်း၊ မှိုစွဲခြင်းစတာတွေလည်း ဖြစ်စေနိုင်ပါတယ်။ ဒီလက္ခဏာတွေထဲကဘယ်လက္ခဏာမဆိုစိတ်ဖိစီးမှုနဲ့ ဆက်စပ်နေပြီးဒါတွေ ခံစားရပါက ကြိတ်ခံမနေပါနဲ့။ စိတ်ဖိစီးမှုကိုလျော့ကျစေဖို့ နည်းလမ်းပေးနိုင်ပြီးကျန်းမာရေး ပြန်လည်ကောင်းမွန်ခြင်းကိုဆောင်ကြဉ်းပေးနိုင်ဖို့ ဆရာဝန်နဲ့ တိုင်ပင်ဆွေးနွေးပါ။
Written..yehtetaung
Ref : drmyanmar.com