Hajat Hatee
Bak bineeh pante aroen meuriti
ta kaleon u pasie meu blek-blek cahya
Seunang that hatee loen kaleon dek ti
rupa sep tari loen ka teugoda
Ta kaleon u wie peunoh bak aroen
siblah uneun loen bineeh kuala
Nyan keuh disinoe ta meu turi phoen
hatee loen teu ayoen ngen pandangan pertama
Ureung meu laoet lam uroe tarek
seu uem lam kuleet han lee teurasa
Kiban keh cara loen peugah bak adek
hatee loen teu tarek keu gata dinda
Ureung meu laoet piyoh bak waroeng
Jep kupi pancong sira poh cakra
Keubit han mungken dinda deungon loeng
ramee saingan loeng dum peungusaha
Kuah sie manok bu sie kameeng
kuah boh limeeng tagun ngen kadra
Han lee mungken dinda loen peu sunteeng
boeh panee ji tem loen nyoe toke sira
Selamat beraktifitas semuanya...
Thanks for reading
Saya akan bersenang hati jika ada yang berkenan membalas pantun saya.
Upvote
Comment
Follow