Lagi akong nagtataka sa'yo
Ano nga ba kaya ang nagustuhan mo
Ang mukha ko ba o ang ugali ?
Dahil iba kasi ang titig nila sa akin

'Di ba ako bagay para sa'yo ?
O nagseselos sila dahil ako'y iyo
Ano man tingin nila basta't sa huli
Ako ang inibig , minahal at pinili

Napapatanong nga lang sa sarili
Anong meron sa akin na ika'y nabighani
Alam ko na nahulog ka pala sa akin
Sa mga kulitan at mapang-akit kong tingin

Hanggang ngayong napapatanong parin
'Di kasi inakala na ako'y mamahalin
Isa lang kasi akong simpleng tao
Ngayong isa ng espesyal na tao sa buhay mo