Masaya akong nagkita tayong muli
Mukha mong namumula ang mga pisngi
Mga kamay mo'y matagal ng 'di nahawakan
Ngayon bitbit na sa araw-araw

Yakap at halik ang sumalubong
Ang sarap na ngayo'y kapiling na
Namiss mo nga ako ng sobra
Dahil laging ngiti ang nakikita

Kurot at sampal laging nadama
Dahil ba sa ako'y cute o matagal tayong 'di nagkita
'Dama ko ang pagkasabik sa muling pagkita
Parang matagal na panahon na

Iba ka na sa'king pagbalik
Mas malambing ka pa sa dati
Nanibago 'di sanay sa gawi
Sana'y ipagpatuloy ng 'di na aalis muli