Nakatunghay sa kawalan
Habang oras ay nagdaraan
Tuliro ang isip dahil sa sakit
Na dulot ng pagsinta mong balatkayo
Kirot sa puso ay di maitago
Pagkat ikay mahal parin nitong puso
Umaasa parin na magbabalik ka
At tayong dal'wa muli ang magkasama
Sakaling babalik ka mahal
Dito parin ako sayo'y maghihintay
Dito parin sa lugar nating nakaraan
Sakaling mangyari man itong kahibangan
Liligayang muli yaring pusong nangulila
Sayong paglisan ako'y naiwan
Subalit maghihintay na lamang na muli mong balikan
Kahit nasasaktan itong puso
Aasa parin na babalik ka
At di na muling lalayo pa
Aasa at maghihintay upang mapawi na kahit kaunti
Maibsan lamang ang sakit nitong pusong sawi