Ganito,
Ganyan,
Gawin mo!
Paulit-ulit na lang, nakasasawa.
Pare-pareho lang naman!
Doon din naman ang patungo,
Nakapapagod na
Pwede bang magpahinga muna?
Pakiramdam ko at higit sa lahat kailangan ko munang
Huminto ngunit ayaw nang balikan pa!
Ako'y hihinga
Magpapakalma
Pag-iisipan ko na lang muna,
kung dapat pa bang
balikan at
ipagpatuloy pa!
Matagal-tagal din, bago ako nakabalik
Ayaw kong manisi ng iba kung bakit ganito...
bakit ako nanahimik?
Alam ko marahil na ang panahong nagdaan,
Sapat na upang pagkasuya ay maibsan.
Ang pahina ngayo'y muling nagbabalik.
Sa mga tagasubaybay ko, salamat sa pagtangkilik.
Lumisan man saglit, ngunit ako ngayo'y muling nagbabalik.
