“Hugot sa naughan nga Pagbati”
Nalumos sa gugma nga puro ra paasa,
Ug nagtinga sa kanunay ayaw na intawn paantusa.
Nganong purong-purongan mo man sa mabulokong pulong,
Nga daw idayan-dayan ka sa dughan nga naghonghong.
Murag mga lumot nga nangalarag kining akong pagbati,
Tungod kanimo nalunhaw ning dughan ug nagdumili,
Bisan pa man gi-uhaw sa gugmang tiunay ug tinud-anay,
Apan ning pansayan ako kanunay maglantaw’g nagmahay.
Duyogan mo man sa imong tingog nga daw yamog sa kabuntagon,
Dili ko na idalit pa kining dughan para imo lang samaran ug buntogon,
Kay namala na tungod sa imong pagkatampalasan
Nga unta sa pag-abot sa panahon ikaw malumsan.
Kining naitos nga dughan hayan nag-inusara,
Kay sa kalibutan puno sa kaligotgot ug kanunay’ng puasa.
Sakto ug igo na intawn sa imong mga bakak,
Kay sa dili madugay maayong ugma kanako mosidlak.
__________________________________________________________________________
