Pinagdarasal at inaasam ng kay tagal,
Masilayan ka dito sa mundo,
Ika’y biyaya at hindi isang kuro kuro.
Binigyan mo ang buhay ko ng kahulugan,
Naging malawak ang aking kaisipan,
Ganito pala ang pighati at kasiyahan.
Nung ikaw ay nasa loob ng aking katawan,
Sa paglakad, pag upo ako’y dahan dahan
Kinaya ko, aking munting anghel magpakailanman,
Ibibigay aking buong pagmamahal,
Napakalusog mong pagmasdan at kay giliw,
Ang aking damdamin ay iyong napagaan at naaliw.
