Aaj main kisi film ki review nahi karne wala balki ek aane waali film ki trailer aur poster ka review karne wala hoon. Iss film ka naam hai housefull 4, ji ye 4th part hai iss se pahle 3 aur aa chuke hai aur teeno me akshay kumar they aur unke saath ritesh deshmukh bhi they lekin baaki ke actor aur actress me har baar badlaao hua hai.
Ye dekhiye ye iss film ka poster hai jisme sabhi najar aa rahe hai. Ek me sab hai baaki sab ki alag alag poster bhi aayi hui hai wo bhi aap ko niche dikhaya hai maine.
Iss film ka sab se pahla part saal 2010 me aaya tha. Jo ki darshako ko kaafi pasand aaya tha aur mujhe bhi bahut mast laga tha ye film. Fir iska dusra part aaya saal 2012 me utna khaas nahi tha aur fir tisra part saal 2016 me aaya ye bhi utna khaas nahi tha. Shuru waale me jo maja rahta hai na bhai wo maja kisi aur me nahi rahta hai.
Lekin mujhe bahubali 2 me jyada maja aaya tha. Ye ek matra aisa film hai jiska 2nd part mujhe pahle part se jyada maja aaya tha. Iske alawa aap aur koi bhi film le lo jaise ki dabangg, krrish, dhoom, don. In sab me aap ko pahle part me hi jyada maja aayega uske baad sabhi bekaar hi lagenge. Thoda moda thik lagega lekin pahle ki tulna me sab aap ko bekaar hi lagega.
Ye dekhiye akshay kumar ko isme sabhi hero heroine jo hai na un sab ka punar janam hota hai. Kyo ki ek janam me unka pyaar pura nahi hota hai isliye dubara se janam hota hai. Aur pichle janam me sab puraane jamaane ke rahte hai aur historical film mat samajhiyega iss ko kyo ki iss me bas comedy hai. Aur iss baar akshay kumar takla huye hai kisi film ke liye. Iss se pahle maine inko kisi bhi film me takla nahi dekha tha lekin isme dekh raha hoon.
Iska naam hai kriti karba.. ye mujhe bahut achhi lagti hai isliye akshay ke baad main aap ko iss se milwa raha hoon. Iski sab se pahli film maine south indian dekhi thi betting raja. Isme side role rahti hai ye lekin bahut hi achhi lagti hai aur tamannah se jyada achhi mujhe yahi lagti hai.
Houseful me ye pahli baar najar aane waali hai. Isme akshay kumar ke saath najar aayegi. Sabhi ka iss film me punar janam hota hai. Aur isko leke na bhai director ne bahut hi achha kiya hai ab film dekhne me aur bhi jyada maja aane wala hai.
Kriti sanon iska naam hai kaafi lambi hai aur ye bhi pahle south india film me aayi thi lekin ab bas bollywood me hi najar aati hai aur iski filme ne bhi mast kamayi ki hai. Bollywood me sab se pahli film dilwale me najar aayi thi. Bahut mast lag rahi thi usme aur isme bhi bahut achhi lag rahi hai isliye iski photo maine aap logo ke saath share ki.
Bahrahal film ka poster bahut badhiya laga hai mujhe aur sab achhe bhi lag rahe hai. 2 tarah ke look me sab najar aayenge aur akshay kumar to bhai isme kaafi young dikh raha hai aur mast lag raha hai. Trailer bhi jabardast hai mujhe bahut hi achhi lagi hai. Aap ne ab tak dekha hai ki nahi dekha hai? Agar nahi dekha hai to fir aap niche dekh sakte hai maine link daala hai.