Aaj main jiss film ka review karne jaa raha hoon uska naam hai Nannaku Prematho. Isme hero ke role me NTR hai jo ki kamaal ka lag raha hai aur lead actress ke role me rakul preet hai jo hai hi kamaal iski jitni tareef karu wo kam hi hai. Haan to iss film ki rating ki baat ki jaaye to 7.6 imdb rating hai iss film ki. Ab itna rating hai to aap samajh hi sakte ho ki film achhi hi hogi.
Maine ntr ki kayi filme dekhi jis me se ye film meri pasandeeda filmo me se ek hai. Ye film saal 2016 me aayi thi aur aap ko vishwas nahi hoga ab tak iss film ko maine 10 baar se jyada baar dekh chuka hoon. Aur kuch kuch scene ko to uss se bhi jyada baar dekha hoon. Isme hero ne mast dhaadhi rakhi hai iska swag dekh kar ke bahut achha lagta hai bahut hi kamaal ka hero hai ye aur ek dum jabardast lagta hai.
Iss hero ki kayi filme dekhi hai maine jisme se adhiktar mujhe pasand aayi hai. Agli post me isi ki film Janatha Garage ka review karunga main aap logo ke saath wo bhi kamaal ki film hai. Dono hi mujhe bahut pasand aayi hai lekin sab se jyada mujhe nannaku prematho hi laga hai.
Kya hai iski kahani.
Kahani ki baat kare to wahi hai baap ka badla. Hero ka baap bahut ameer rahta hai lekin ek banda dhokhe se uski saari property apne naam kar leta hai. Bas hero wahi property ko apne naam karwaane ke liye koshish karta hai aur akhir me ho hi jaata hai. Isme ntr bahut smart lag raha hai aur isme thoda dimaag ka bhi khel hai. Kaafi kuch aap ko iss film me bahut hi achhi lagegi. Iss film ka screenplay mujhe bahut sahi laga hai.
Film ke director ne bahut hi achhi film banayi hai aur sab kuch achhe se direct kiya hai aur film ko sahi tarike se dikhaya hai. Bahut se logo ko south indian filme dekhna pasand nahi hai lekin mujhe yahi jyada pasand hai. Bahut achha lagta hai mujhe dekhne me.
Yaha se aap iss film ka trailer dekh sakte hai.
Video from times music south
Pata nahi aap ko trailer kaisi lagi lekin film aap ko mast lagegi. Aap ne hero ka swag to dekha hi hoga. Kamal ka lag raha hai banda dhadhi me. Iss se pahle ya fir iske baad ab tak isne aisi dhaadhi me koi film nahi banayi hai isliye isme jhakkas lag raha hai. Aap ko bhi achha laga hoga aur heroine to isme hai hi kamaal jaisa ki main aap ko upar bata chuka hoon. Rakul dikhti bhi achhi hai aur iss film ka uska role bhi sahi hai.
Main to yahi kahunga aap logo ne ab tak nahi dekha hai to fir aap ko dekhna chahye. Yakeen maaniye aap ko kaafi pasand aayega aur film achhi lagegi. Main to 10 baar se jyada dekha hai aur aaj fir se dekh raha tha isliye main socha aaj iski hi review karte hai. Aap ko pata hai ye puri film aap ko hindi me youtube me mil jaayegi.