大家好啊！我係拉叔。一名土生土長、不折不扣唧馬拉華裔。雖然香港人認為，馬拉出世就係“馬拉人”，但係我地本地華人就會有好強烈唧反差感。原因係，我地本地華裔對於自己係中原血統有好強烈唧歸宿感。本地巫裔會叫我地華人為中國人。理論上，我地叫啲美籍華人為ABC都係因為佢地已經冇中文名，只係記得自己係America Born Chinese。
我自己本人對於粵語有非常濃厚唧興趣。可能家中由爸爸、叔叔、伯伯，甚至佛山都有堂姐，全部都用粵語溝通。再加上，怡保市以前係客粵劇集之地。廣東人大部份在市內經商，而客家人有好大部份從事採礦活動。早幾十年前，我都仲見到阿媽去街市買餸同人講客家話，人地回答廣東話唧奇景。我婆婆係梅縣客家婆，佢地都係一班戰前已經被下南洋賣豬仔賣咗落馬拉唧華僑，所以婆婆以前湊我時都係用客家話氹我食飯嘎🤣成日叫我“蝕”多啲🤣其實佢地個“蝕”係“食”，即係叫我吃多啲唧意思。
至於，點解馬來西亞人會叫馬拉人呢？其實馬拉本來就是有幾個唔同地區組成唧聯合國，基本上同美國噤上下。當年英國統治馬拉個時候，所有土皇帝都係冇乜治理自己土地，反正英國紅毛鬼出糧，到後來國父將死鬼佬趕出馬拉，將馬來半島九州十省團結，爭取到馬拉獨立，而正式宣布MALAYA，成為馬來亞。而我地本土人咪順理成章變成MALAYAN🤣之所以人地咪叫我地做馬拉人囖。就好似我地叫American美國人噉囖。
至於點解馬來西亞啲粵語噤多“咗”……哩個就有好多唔同說法。不過，大家都可以肯定一樣嘢就係，馬拉語言實在太多咗🤣相當可能係受到馬拉話影響，因為馬來文語法同中文同英文都唔同。馬來文冇過去式past tense，所以必須要有“已經”係個詞句入面嚟表達過去式，而本地人就變成乜春嘢只要係“已經”或過去式，就加個“咗”落去。亦有可能係受到福建閩南個“了事”個“了”字影響，因為個“了”字亦代表“已經”，理論上同粵語裡面個“咗”係一樣意思。所以，當你聽到閩南佬講“廖了囉”，其實國語係“已經完成了”🤣，而馬拉廣東佬就會講“冇嗮咗囖”。冇嗮就冇嗮，冇咗就冇咗，點解又嗮又咗😅
幾大條道理都冇用咗。我地已經唔係活係宋朝咗。冇人會再去理我地咗。我覺得，有冇個咗字都唔重要咗。最重要係有人繼續傳承粵語，我就心滿意足咗。
