မင်္ဂလာပါ။ ယနေ့ကတော့ update အသစ်တက်လာသည့် PSYBER X အကြောင်း အနည်းငယ် ရှင်းပြလိုပါသည်။ PSYBER X နှင့်ပတ်သက်၍ LVL token အကြောင်း ကျွန်တော် ရေးသားထားသမျှ သည် ကျွန်တော့ အာဘော် ကျွန်တော့ အတွေးအမြင် သာ ဖြစ်၍ မိတ်ဆွေတို့ အနေဖြင့် PSYBER X ၏ LVL token တွင် ရင်းနှီးမြုပ်နှံမှု ပြုလုပ်သင့်သည် မသင့်သည်ကတော့ မိတ်ဆွေတို့ ကိုယ်တိုင်သာ ဆုံးဖြတ်စေချင်ပါသည်။
PSYBER X နှင့် ပတ်သက်၍ လွန်ခဲ့သော ဖေဖော်ဝါရီ ၃ ရက်နေ့က ကျွန်တော့ Post တင်ခဲ့ပါသေးသည်။ PSYBER X မှ NFT Airdrop ရရန် LVL token ၂ သိန်းရှိထားရမည့် အကြောင်း ။ ယနေ့ PSYBER X မှ ၃ မိနစ်စာ Video File လေးတခုတက်လာပါသည်။ ဤ Game အား Live ကစားထားသည့် Video File ဖြစ်ပါသည်။
ကျွန်တော့ အနေဖြင့် Gamer တယောက် မဟုတ်သော်လည်း ဤ Video Clip အားကြည့်လိုက်သည်နှင့် PSYBER X သည် Blockchain Gaming တွင် Trend တခုဖြစ်လာလိမ့်မည်ဟု ယုံကြည်ပါသည်။ အဘယ့်ကြောင့် ကျွန်တော့ အနေဖြင့် ဤသို့ ခန့်မှန်း ရသနည်းဆိုသော် Play to Earn ( P2E ) Gaming များသည် NFT များဖြင့်သာ ကစားကြသည် ဖြစ်ရာ အများအားဖြင့် Card Game များသာ ဖြစ်ပါသည်။
သို့သော် PSYBER X ကတော့ Live Video Game တွင် NFT များ ထည့်သွင်းထားသည် ဖြစ်ရာ Blockchain Game ၏ အလှည့် အပြောင်း တခုသို့ ဦးတည် နေပြီ ဖြစ်ပါသည်။ မိတ်ဆွေတို့ သိကြသည့် အတိုင်း Gaming Industry တွင် Blockchain Gaming ဘက်သို့ ကူးပြောင်းလာနေသော ကုမ္ပဏီ အတော်များများ ရှိနေကြပါသည်။
Image Source ( PSYBER X )
လက်ရှိခေတ်စား နေသော Mobile Legend / PUBG / Dota 2 / WarCraft အစရှိသော Live Game များသည် Fantasy Game များသာ ဖြစ်ရာ မိမိအတွက် ဝင်ငွေရလမ်းနှင့် နာမည်ကြီးရန် အတွက် Live Streaming လုပ်ခြင်းနည်းသာ ရှိပါသည်။ ( အခြားနည်း များလည်း ရှိကောင်း ရှိပါလိမ့်မည်။ ကျွန်တော်၏ Gaming ဗဟုသုတ နည်းခြင်း ကြောင့်သာ မသိခြင်း ဖြစ်ပါလိမ့်မည်။ )
ဤကဲ့သို့သော Live Game များတွင် ဝင်ငွေရလမ်းတခု ဖြစ်သည့် NFT များ ထည့်သွင်းလိုသည့် Game အများအပြားရှိပါသည်။ သို့သော် NFT ဟူသော အရာသည် Blockchain တွင်သာ ဖန်တီးနိုင်သည် ဖြစ်ရာ Blockchain Gaming အတွင်းသို့ Gaming ကုမ္ပဏီများ မျက်စိကျလာသည်မှာ မဆန်းပါ။
PSYBER X အကြောင်း ဆက်ရလျင် ယခု အသစ်ထွက်လာသော Video Clip တွင် မြို့တွင်း တိုက်ပွဲ / တောတွင်း တိုက်ပွဲ များကို တွေ့ရမည် ဖြစ်ပါသည်။ အသုံးပြုထားသော လက်နက်မှာ နှစ်မျိုးတည်းသာ ရှိပါသေးသည်။ လေဆာ သေနတ်နှင့် လက်ပစ်ဗုံး ဖြစ်ပါသည်။
တိုက်ပွဲ နေရာ အပြောင်း အလည်းအား Loop Hole များဖြင့် ချိတ်ဆက်ထားသော အိုင်ဒီယာ မှာ အလွန်ကောင်းမွန်ပါသည်။ PSYBER X မှ ယနေ့တင်ထားသော Post အား ဖတ်ကြည့်ရလျင် PSYBER X အား လွှင်တင်နိုင်မည့် ရက်အား မကြေညာ သေးသော်လည်း Hive Platform အနေဖြင့် SKP Network ( Web3 Protocol ) သို့ ပြောင်းလည်း အသုံးပြုပြီးနောက်တွင် သာ ဖြစ်ဖို့များပါသည်။
လောလော ဆယ် အနေဖြင့် Marketing ဆင်းမည့် အစီအစဉ်များ စနေပြီ ဖြစ်ပါသည်။ အထူးသဖြင့် YouTuber များ နှင့် Blogging Content creator များအား LVL token ဆုပေး စနစ်ဖြင့် Marketing ဆင်းတော့မည် ဖြစ်ပါသည်။
Image Source ( PSYBER X )
LVL token အကြောင်းပြောရလျင် PSYBER X မှ LVL token အား Hive Engine တွင် စတင် ရောင်းချသည့် ဈေးမှာ 0.0005 Hive ဖြစ်ပါသည်။ ယနေ့ Hive ပေါက်ဈေး မြန်မာငွေကျပ်ဖြင့် တွက်လျင် ၂ ကျပ်သာ ရှိခဲ့ပါသည်။
သို့သော် မိတ်ဆွေအနေဖြင့် ယနေ့ LVL token အား ဝယ်စုချင်လျင် 0.007 Hive ပေးရတော့မည် ဖြစ်သလို ယနေ့ Hive ပေါက်ဈေး မြန်မာငွေဖြင့် တွက်လျင် ၁၅ ကျပ် ပေးရတော့မည် ဖြစ်ပါသည်။
ထို့အတူ မိတ်ဆွေ အနေဖြင့် PSYBER X မှ NFT Airdrop လိုချင်သော ကြောင့် LVL token ၂ သိန်းအား လွန်ခဲ့သော တလ ခန့်တွင် ဝယ်ယူလျင် Hive 200 ကျော်သာ ပေးရမည် ဖြစ်ပါသည်။ လွန်ခဲ့သော တပတ် တွင် ဝယ်ယူလျင် Hive 900 ကျော်သာ ပေးရမည် ဖြစ်သော်လည်း ယခု ဝယ်ယူမည် ဆိုလျင်တော့ Hive 1400 ကျော် ပေးရတော့မည် ဖြစ်ပါသည်။
ကျွန်တော်ပြောလိုသည်မှာ PSYBER X ရေပန်းစားလာခြင်း နှင့်အတူ တန်ဖိုး တက်လာသော LVL token အကြောင်း ဖြစ်ပါသည်။ တကယ်တမ်း ဆို
လျင် မြန်မာငွေ ၁၅ ကျပ်ဟူသော ဈေးသည် ဘာမျှ မရှိသေးပါ။ မိတ်ဆွေအနေဖြင့် တတ်နိုင်လျင် ဤ LVL token အား အနည်းဆုံး 1000 LVL လောက်တော့ စုထားသင့်သည်ဟု ထင်ပါသည်။
အဘယ်ကြောင့်ဆိုသော် ဤ LVL token သည် အခြားသော Game Token များကဲ့သို့ ဘီလီယံနှင့် ချီ၍ ထုတ်ထား Token မဟုတ်ပါ။ ဥပမာ ပြရလျင် Dcity ၏ Sim token သည် ဘီလီယံ တထောင် ( ၁ အနောက်တွင် သုံညကိုးလုံး ဆယ်ကြိမ် ) ထုတ်ထားသလို Risingstar ၏ Starbits သည်လည်း အတူတူသာ ဖြစ်ပါသည်။
တချိန်က Hive အား ကျော်တက်ခဲ့သော Leofinance ၏ Leo သည်ပင်လျင် တစ်ဘီလီယံ ထုတ်လုပ်ထားပါသည်။ PSYBER X ၏ LVL token သည် သန်း ၅၀၀ သာ ထုတ်လုပ်ထားသည့် အပြင် ယခုကာလသည် ဤ Game ၏ အစောပိုင်းကာလ ဖြစ်သော ကြောင့် Hive 0.007 ဟူသော ဈေး ဖြင့် ရနေခြင်း ဖြစ်ပါသည်။
အကယ်၍ မိတ်ဆွေသည် Gamer မဟုတ်သည့် တိုင် ရင်းနှီးမြုပ်နှံမှု အနေဖြင့် LVL ဝယ်ထားသင့်သည်ဟု အကြံပေးလိုပါသည်။ ဤ LVL token ဝယ်စုသင့်သည် မစုသင့်သည်အား ဆုံးဖြတ်ရန် အောက်တွင် ဖေါ်ပြပေးထားသော PSYBER X video Clip အားကြည့်၍ ဆုံးဖြတ်စေချင်ပါသည်။
Henry Aung ( Kachin )
07/02/2022 - Monday - 18;32 Pm