“ဒီတစ်ခါတော့ လွှတ်ပေးပါ”

မဂ်လာပါ မြန်မာဟိုက်အဖွဲ့သားများခင်ဗျာ။

မနေ့က ကျွန်တော်ကွီးရွှေ စာမရေးဖြစ်ပါ။ လေကြီးမိုးကြီးဝုန်းဒိုင်းတွေကြောင့် ရပ်ကွက်အတွင်းမီးမလာပါ။ ထိုမီးပျက်ခြင်းသည်ထူးထွေပီး ပျက်ခြင်းမဟုတ်ပါ အခါတိုင်းကဲ့သို့ပင်(နေ့စဉ်လိုလို) သူလာချင်လာမယ် မလာချင်မလာဘူးဆိုသည့် ခပ်ချေချေများတွင် ကိုရွှေမီးသည်ထိပ်ဆုံးက ပါသည်ကြောင့်ဖြစ်သည်။

လျှပ်စစ်မီးကိုအကြောင်းပြ၍ အပျင်းထူကာ စာမရေးချင်ဖြစ်နေသည်ကို မလိမ့်တစ်ပါတ် ရှောင်ပြောနေခြင်းသာဖြစ်သည်။ ဟုတ်ပါသည် ယခင်နေ့ကမှ ဟိုက်စာမျက်နှာပေါ် ပြန်လည်၍ စာများရေးမည်ဆိုပီး အားခဲထားသော်လည်း ယခင်၂နှစ်က မှန်ထားသည့် ခဲက ကြီးမားနေ၍ (အမေ့ကောက်ပီး စာပြန်ရေးသည့် ကျွန်တော့အား ပြန်လည်၍ DBပေးမည်ကို ) ကြောက်လန့်နေမိသည်။

အမှန်တိုင်းဝန်ခံရလျှင် နောက်ထပ် ဒေါင်းဘုတ်များရောက်လာမည်ကို အလွန်ပင် ထိတ်လန့်နေမိသည်။ တစ်ခါလောက်ခံစားပီး တစ်သက်မမေ့နိုင်အောင် ကြောက်လန့် နေမိသည်မှာ အမှန်ပင်ဖြစ်သည်။ ထို့ကြောင့် ယခုရေးသည့် စာများအား နောက်ထပ်မလာပါစေနှင့်ဟု ဆုတောင်းနေရင်း ၂၄နာရီစောင့်ကြည့်နေမိသည်။ ယနေ့ဆိုလျှင် တစ်ရက်တာ အချိန်ကျော်လွန်သွားသော်လည်း ကိုရွှေDBကြီး ဘယ်အချိန်ရောက်လာမည်လဲ စိုးထိတ်နေမိနေဆဲဖြစ်သည်။

သက်ဆိုင်ရာ စည်းမျဉ်းများအတိုင်း ဆိုင်ရာဆိုင်ရာ သွားရောက်ဆွေးနွေးပီး လျောက်လဲချက်များပေးကာ၊ တောင်းပန်ကာ စာပြန်ရေးပါက အဆင်ပြေနိုင်သော်လည်း ကျွန်တော်၏ အတွင်းစိတ်က ခေါင်းမာသည်၊ တော်ရုံကိစ္စကို သူများအောက်မကြို့ချင်၊ ထို့ကြောင့်ပင် မဖြစ်သင့်သော DBများရောက်လာခြင်းကို ကောင်းကောင်းခံလိုက်ရသည်။
ယခုထပ်မံ၍ စာလေးများ ပိုစ်လေးများ တင်ကြည့်ရင်း သွေးတိုးစမ်းလိုက်သည်။ အကယ်၍ ကိုရွှေဒေါင်းကြီးရောက်မလာလျင် ပျော်ပျော်ကြီးစာဆက်ရေးမည်။ အလျင်းမသင့်၍ ကိုရွှေဒေါင်းက နှစ်ဘယ်လောက်ကြာကြာ ခွင့်မလွှတ်ဘူးဟေ့ ဒေါင်းမှာပဲ ဆိုပီး ထပ်မံရောက်ရှိလာလျင်တော့ ကျွန်တော်ကွီးရွှေ အကောင့်သစ်ဖောက်ကာ လမ်းသစ်လျောက်ရပေတော့မည်။

ဘုရားမလို့ ကွီးရွှေကို ဒီတစ်ခါ ခွင့်လွှတ်ပေးပီး စာရေးခွင့်လေးပေးပါလို့ ဆီမန်းမန်းလို့နေပါသည်။ ဒီတစ်ခါတော့ခွင့်လွှတ်ပေးပါ ကိုရွှေဟိုက်ရေ။ နောက်တစ်ခါ ဆိုသည်ကလည်း ဖြစ်လာမှာမဟုတ်တော့သည့်အတွက် ဒီတစ်ခါတည်းပါနော်။

မြန်မာဟိုက်အဖွဲ့သားများလည်း တစ်နေ့တစ်ခြား တိုးတက်ထွန်းကားကြပါစေ။ ကပ်သုံးပါးမှလည်း ကျော်လွှားနိုင်ကြပါစေ။

Hive account@nyinyiwin (ကွီးရွှေ)
၃/၂၃/၂၀၂၄