Beyond the Abaya | عبایا کے اُس پار

کالے عبایا میں چھپی وہ کسی شہزادی سے کم نہیں تھی، جو نظریں جھکائے اپنی کتاب پڑھ رہی تھی۔ وہ صوفیہ تھی، ایک سید گھرانے کی باپردہ اور باخلاق لڑکی، جس کو ہر شخص پسند کرتا تھا، اس کی تعریف کرتا تھا۔

والد صاحب آپ مجھے کس یونیورسٹی میں بھیجیں گے؟ صوفیہ بڑے ناز سے اپنے باپ کے سینے لگی ان سے پوچھ رہی تھی۔

میری بیٹی شہر کی سب سے بڑی اسلامک یونیورسٹی جائے گی اور وہاں سے شریعتی فقہ کی ڈگری حاصل کرے گی صوفیہ کے باپ، ہادی صاحب نے اس کے بالوں میں ہاتھ پھیرتے ہوئے کہا۔

مگر والد صاحب مجھے کمپیوٹر پڑھنا ہے، سائبر سیکیورٹی پڑھنی ہے، بابا مجھے وہاں نہیں جانا، وہ نہیں پڑھنا صوفیہ اپنے باپ سے الگ ہو کر بول رہی تھی۔

صوفیہ تمہیں پہلے بھی بتایا گیا ہے تم وہی پڑھو گی جو ہم نے تمہارے لئے چنا ہے، اچھے گھرانے کی لڑکیاں ایسے ماحول میں نہیں پڑھتی۔ ہادی صاحب اپنی جگہ سے اٹھے اور غصے سے کمرے سے نکل گئے، صوفیہ وہیں بیٹھی اپنے باپ کے دو ٹوک لہجے کو سوچتی رہ گئی۔

بیٹا تم اتنی تھکی ہوئی کیوں لگ رہی ہو؟ سعدیہ کی امی فاطمہ بیگم نے بہوجل قدموں سے اندر آتے دیکھا تو پوچھے بغیر نہ رہ سکیں۔

امی کچھ نہیں بس آج واک کرنے کا دل تھا تو میں پیدل گھر آگئی سعدیہ نے تھکے ہوئے انداز میں بولا اور صوفے پر لیٹ گئی۔

اچھا ٹھیک ہے، تمہارے ابا پوچھ رہے تھے تم نے کون سی یونیورسٹی جانا ہے فاطمہ بیگم نے اس کے ساتھ بیٹھتے ہوئے بہت پیار سے پوچھا۔

امی میں نے ابھی اس بارے میں کچھ نہیں سوچا ہے پر میرا دل چاہتا ہے میں شریعتی فقہ پڑھوں اسلامک یونیورسٹی سے پر ابھی کچھ بھی کہنا قبل از وقت ہے اور میں اس پر مزید سوچوں گی سعدیہ اپنے موبائل پر نظریں جمائے بول رہی تھی۔

سعدیہ تمہیں شریعتی فقہ کا شوق کب ہوگیا تم کوئی بھی اچھی فیلڈ چن سکتی ہو، کیونکہ تم اس ماحول میں نہیں ڈھل سکتی۔ تم کسی اور یونیورسٹی میں بھی جا سکتی ہو، جہاں تم زیادہ بہتر ایڈجسٹ کر سکو۔ فاطمہ بیگم نے فکرمندی سے کہا۔

امی آپ مجھے میری پسند سے پڑھانا چاہتی ہیں یا نہیں چاہتی ہیں۔ میں کچھ ایسا چنوں جو مجھے پریشانی دے؟ اور میں اُسکو پڑھ بھی نہ سکوں سعدیہ نے ایک دم فون سے نظریں ہٹا کر اپنی ماں کو دیکھا۔

مجھے کیا ہے جو مرضی کرو تمہاری زندگی ہے، تم نے پڑھنا ہے بتاؤ کچھ کھاؤ گی، کھانا تیار ہے وہ حیرانگی سے اٹھی اور کچن کی طرف چل دیں۔

میں نوڈلز کھاؤں گی یہ جو آپ نے پکایا ہے وہ مجھے نہیں کھانا ہے۔ سعدیہ نے دوبارہ فون دیکھتے ہوئے نخرے سے بولا۔
اور فاطمہ بیگم ہاں ہاں کرتے چل پڑیں۔

تمہارا یونیورسٹی میں داخلہ کروا آیا ہوں اور اگلے ہفتے سے تمہاری کلاسیں شروع ہیں، اپنی تیاری کرلو۔ صادی تمہیں چھوڑ آیا کرے گا ہادی صاحب نے کِچن میں کام کرتی ہوئی صوفیہ کے سر پر بم پھوڑ دیا۔

والد صاحب کونسی یونیورسٹی میں؟ اُس نے کانپتے ہوئے لہجے میں پوچھا۔

اسلامک یونیورسٹی کی شریعتی فقہ کی ڈگری میں انہوں نے پانی کا گلاس لیتے ہوئے اُسے بتایا۔

والد صاحب پر وہ کچھ کہنا چاہتی تھی مگر ہادی صاحب کی خونریز نگاہوں کو دیکھتے ہی وہ سہمی۔

اگلے منڈے تیار رہنا ہادی صاحب اب پانی ایک ہی سانس میں پی رہے تھے۔

والد صاحب، صادی بھائی مجھے کیوں چھوڑ کر آئیں گے میں خود بھی تو جا سکتی ہوں صوفیہ نے ایک بار پھر سوال کر کے والد صاحب کو خود کی طرف متوجہ کر لیا تھا۔

تمہیں صادی کے ساتھ جانے میں کوئی مسئلہ ہے؟ میں نے اُس سے کہ دیا ہے اور وہ تمہیں چھوڑ کر آیا کرے گا، وہ اُس کی مزید بات سنے بغیر کِچن سے چلے گئے۔

السلام علیکم میرے عزیز والد صاحب، آپکو میری یاد نہیں آتی، آپ پورے مہینے بعد گھر واپس آئے ہیں۔ سعدیہ آکر اپنے والد کے قریب سوفے پر بیٹھتے ہوئے نخرے سے بولی۔

ہاں تو میں اپنی شہزادی بیٹی کے لیے ہی کام کرتا ہوں، اگر میری بیٹی کہے تو میں اب جاتا ہی نہیں ہوں سعدیہ کے والد صاحب نے مذاق کے انداز میں اسے بتایا اور ٹی وی آن کرنے لگے۔

ہاں تو نہ جائیں نا، میں تو پہلے بھی کہتی ہوں آپ ہمارے پاس رہا کریں۔ سعدیہ نے اب سامنے پڑی ٹوکری سے ایک پھل اُٹھا کر اُسکو کھانا شروع کر دیا۔

بالکل اس کی بات مانا کریں آپ، اسکا بس چلے نا ہم دونوں کے اوپر آفسر لگ جائے فاطمہ بیگم جلے ہوئے لہجے میں بولی۔

سعدیہ تم نے یونیورسٹی میں ایڈمیشن کا کیا سوچا ہے؟ سعدیہ کے والد صاحب ٹی وی دیکھتے دیکھتے اسے پوچھا۔

ایڈمیشن؟ وہ تو میں نے لے لیا، اگلے منڈے سے میری کلاسیں ہیں۔ سعدیہ نے سادہ سے لہجے میں اپنے والدین کو آگاہ کیا۔

فاطمہ بیگم نے چونک کر پوچھا، تم نے کہاں ایڈمیشن لیا ہے؟ اور سعدیہ کے والد بھی اُسے دیکھنے لگے۔

آپ نے خود ہی بولا تھا جہاں مرضی لے لو کون سا ہم نے پڑھنا ہے، پھر میں نے اسلامی یونیورسٹی میں ہی شریعتی فقہ کی ڈگری میں لے لیا، پتہ نہیں کیا بات ہے جو میرا دل بار بار اسی ڈگری کے پیچھے بھاگتا ہے، شاید اللہ تعالی کا کوئی اشارہ ہے۔ سعدیہ اپنے ہاتھ صوفے کے کور کے ساتھ صاف کرتے ہوئے اپنے والدین کی طرف مخاطب ہوئی۔

بیٹا، تمہاری مرضی ہے۔ مگر بعد میں یہ نہ کہنا کہ یہ میرے ٹائپ کی چیز نہیں ہے یا یہ یونیورسٹی ہمارے گھر سے دور ہے۔ سعدیہ کے والد واپس صوفے سے ٹیک لگائے ٹی وی دیکھنے لگے۔

والد صاحب آپ فکر نہ کریں اللہ تعالی بہتر مالک ہے۔ وہ اپنا بیگ اٹھائے اپنے کمرے کی طرف چلی گئی۔

سعدیہ نے ایک خوبصورت پنک رنگ کی شارٹ فراک پہنی اور ساتھ میں ٹائٹس پہنی۔ وہ اپنی والدہ کو خدا حافظ کہہ کر یونیورسٹی کے لیے گھر سے نکلی۔

اور دوسری طرف، صوفیہ سادہ سا جوڑا پہنے تیار ہوئی جس کے اوپر اس نے عبایا پہنا اور نقاب کیا۔

سعدیہ اپنے گھر سے نکل کر سڑک کے ایک کنارے پہنچی۔ جہاں پر اس نے اپنے بیگ سے ایک عبایا نکال کر پہنا۔ چند قدم چلنے کے بعد اب وہ بس سٹاپ پر بس کے آنے کا انتظار کرنے لگی۔

صوفیہ اپنے گھر کے دروازے کے قریب انتظار کرنے لگی، جب صادی اپنی گاڑی میں بیٹھا اس نے اندر آنے کا اشارہ کیا۔

میرا نام عائشہ ہے، عائشہ سادہ سے لباس میں سر پر حجاب لپیٹ کر پر جوش انداز میں صادیہ کے سامنے کھڑے اسے بتایا۔

میرا نام صادیہ ہے صادیہ بھی مسکراتے ہوئے عائشہ کا جواب دیا۔

یہ یونیورسٹی کتنی پیاری ہے عائشہ صادیہ کے ساتھ چلتے چلتے، اب اُس سے باتیں کرنے لگی۔

ہاں، یہ یہاں کی سب سے بڑی یونیورسٹی ہے، تم یہاں کی نئی لگتی ہو، کون سے شہر سے آئی ہو صادیہ اپنے موبائل کو دیکھتی ہوئی عائشہ سے سوال کرنے لگی۔

میں لاہور سے آئی ہوں، میرے والدین نے کچھ مہینے پہلے ہی اسلام قبول کیا ہے، اب وہ چاہتے ہیں میں شریعتی فقہ پڑھوں اور اسلام کو زیادہ جان سکوں۔ عائشہ نے چہرے پر وہی مسکراہٹ سجا کر جواب دیا۔

اوہ اچھا، میں خوش ہوں کہ تمہارے والدین نے اسلام قبول کیا اور تمہیں یہاں بھیجا، یہاں بہت سے طلباء ہیں جو بہت مضبوط مذہبی بیک گراؤنڈ رکھتے ہیں، تم ان سے ضرور کچھ سیکھو گی۔ سعدیہ نے یونیورسٹی واش روم کے شیشے میں خود کو سیٹ کرتے ہوئے کہا۔

ہاں بالکل، اسی لئے میں یہاں آئی ہوں تاکہ میں لوگوں سے نئی چیزیں سیکھوں۔ عائشہ اب صادیہ کو دیکھا جو اپنے حجاب کی پن کھول رہی تھی۔

چلو، میں تمہاری مدد کروں گی ایسی دوست ڈھونڈنے میں جو مضبوط مذہبی بیک گراؤنڈ رکھتی ہو، تاکہ وہ تمہیں بھی سکھا سکے۔ صادیہ اب اپنا عبایا اُتار کر اپنے بیگ میں ڈالنے لگی۔

جزاک الله، صادیہ اپنے عبایا کیوں اُتار دیا، وہ کتنا پیارا لگ رہا تھا۔ عائشہ صادیہ کو یہ کرتے دیکھ کر کافی حیران ہوئی اور اس سے سوال کیے بغیر نہ رہ سکی۔

مجھے عبایا نہیں پسند، میں مجبور ہوں انہیں پہننے کے لیے۔ صادیہ نے سوال ختم ہونے سے پہلے جواب دیا۔

میرا نام عائشہ ہے۔ عائشہ نے اپنے ساتھ بیٹھی لڑکی کی طرف دیکھتے ہوئے کہا۔

میرا نام سیدہ صوفیہ ہے۔ صوفیہ نے مسکراتی نگاہوں سے اسے دیکھتے ہوئے بتایا۔

اپنے صبح سے ایسے نقاب کر رکھا ہے، اپکو مشکل نہیں ہوتی۔ عائشہ صبح سے اپنے ساتھ بیٹھی لڑکی کو دیکھ رہی تھی، اور بالآخر اُس نے اُس سے بات کرنے کے لئے پہلو کیا۔

ہاہا، نہیں مجھے مشکل نہیں ہوتی، یہاں بہت سارے لڑکے بھی ہیں، استاد بھی ہیں جو مرد ہیں، اسلام میں عورت کو پردے کا حکم دیا گیا ہے، اور میں اس حکم کی تکمیل کر رہی ہوں۔ صوفیہ نرم لہجے میں بولی۔ اُس کی کی آواز بہت نرم اور سکون دینے والی اور اُس کی آنکھیں جیسے مسکراتی ہوں۔

صوفیہ، آپ تو بہت اچھی ہیں، آپ مجھے اسلام کے بارے میں بتانا تاکہ میں نئی چیزیں سیکھ سکوں، میں یہاں اسلام سیکھنے اور پڑھنے آئی ہوں۔ عائشہ صوفیہ سے بہت متاثر ہوئی، وہ ایک ایسی ہی دوست چاہتی ہے۔

عائشہ، تم نے اس لڑکی کو دیکھا ہے جس نے لال رنگ کی لپسٹک لگا رکھی ہے؟ صوفیہ کا اشارہ صادیہ کی طرف تھا۔

جی، میں ملی بھی ہوں ان سے۔ عائشہ نے صوفیہ کو دھیمی آواز میں بتایا۔

عائشہ، کبھی اُس لڑکی جیسا نہ بننا، ایسی لڑکی جو اپنے والدین سے اپنا اصل چھپاتی ہو۔ وہ صبح ایک عبایا میں آئی تھی مگر اب وہ کیسے مردوں کے سامنے پھر رہی ہے... وہ واپسی میں پھر عبایا پہنیگی اور اپنے والدین کو دھوکہ دے گی۔ تم ہمیشہ اپنے اصل کو لوگوں پر ظاہر کرنا۔ صوفیہ اُن چمکتی آنکھوں سے عائشہ کے دل میں صوفیہ کے لیے میل پیدا کرتے ہوئے بولی۔

جی، اچھا۔ عائشہ ایک بار پھر خاموش ہو گئی۔

امی، آپکو پتا ہے، یہاں بہت لوگ ہیں پر مجھے سمجھ نہیں آتا کون اچھا ہے، کون برا ہے۔ کس سے دوستی کروں، کس سے نہیں کروں۔ یہاں ایک لڑکی ایسی ہے جو بظاہر بہت اچھی ہے مگر وہ ہمارے سامنے عبایا نہیں پہنتی اور گھر سے پہن کر آتی ہے اور ایک لڑکی ایسی ہے جو اللہ تعالی کو بہت مانتی ہے پردہ کرتی ہے مگر اس کو کسی کی برائی کرنے میں ایک منٹ نہیں لگتا۔ عائشہ اپنی امی کو بجھے ہوئے لہجے میں فون پر بتایا۔

عائشہ بیٹا لوگوں کو ایک ہی دن میں نہیں جانا جا سکتا، ہر انسان کی ایک کہانی ہوتی ہے، تم سب کے ساتھ اچھے سے رہو اور انکو وقت دو۔۔۔ میں جانتی ہوں میری بیٹی بہت سمجھدار ہے۔ عائشہ کی والدہ فون پر اپنی بیٹی کی مشکل آسان کرتے ہوئے بتایا۔

امی، آپ فکر نہ کریں میں اتنی جلدی لوگوں کے لئے اپنی رائے نہیں بناؤں گی، مجھے پتا ہے ہر شخص میں ایک کہانی چھپی ہے۔ عائشہ اب دوبارہ پرجوش ہو گئی جیسے وہ سمجھ چکی ہو اُسکے کیا کرنا ہے۔

سعدیہ، باہر گیٹ پر تمہارے والد صاحب آئے ہیں۔ عائشہ، کینٹین میں آکر سعدیہ کو اطلاع دی جو کچھ کھانے میں مصروف تھی۔

والد صاحب آئے ہیں؟ سچی وہ کتنے ٹائم بعد آئے ہیں، میں تو گھر جا رہی ہوں۔ عائشہ اب اپنا سامان اُٹھا کر جلدی میں بھاگی۔

سعدیہ، تم عبایا نہیں پہنو گی؟ عائشہ اُس کو جلدی میں دیکھ کر اُس کو یاد دلوایا کے وہ کیا بھول رہی ہے۔

آج کیوں پہنوں گی یار، وہ تو میں بس کے لوفر لوگوں کی وجہ سے پہنتی ہوں، میرے گھر میں تو کوئی بھی نہیں پہنتا... اب والد صاحب کے ساتھ جاؤں گی تو اس کی ضرورت نہیں ہے... میں جا رہی ہوں دیر ہو رہی ہے۔ سعدیہ کی بات نے عائشہ کو حیران کر دیا۔ عائشہ اُس کو ایک بُری لڑکی سمجھتی ہے جو اپنے والدین کے سامنے کچھ اور ظاہر کرتی ہے اور اصل میں کچھ اور ہے، مگر وہ تو سچی ہے، وہ تو منافق نہیں ہے، اُس میں تو صرف ایک برائی ہے، کہ وہ پردہ نہیں کرتی ہے وہ بھی اس لئے کہ اس کے گھر میں اس کا رواج نہیں ہے۔

یا اللہ تعالی میں کیسے کسی کے کردار پر انگلی اٹھا سکتی ہوں، یا اللہ تعالی میں کیسے اتنی بُری بن گئی، میں نے کیسے کسی کی باتوں میں آکر تیری مخلوق کو خود سے کمتر سمجھ لیا۔ عائشہ اب اللہ تعالی سے توبہ کرتے ہوئے سوچنے لگی، وہ جانتی تھی یہ بات اُس کے دماغ میں صوفیہ نے ڈالی ہے مگر کیا وہ خود اس کے لئے بالکل ذمہ دار نہیں تھی۔

میں آج صوفیہ کو بتاؤں گی وہ سعدیہ کے بارے میں کتنا غلط سوچتی ہے۔ عائشہ اپنا سامان اُٹھا کر صوفیہ کے گھر جانے لگی۔

صوفیہ ؟ عائشہ نے صوفیہ کے گھر کے باہر کھڑے آواز دی۔

بھائی مجھے چھور دیں میں نے کچھ بھی نہیں کیا، مجھے معاف کر دیں۔ صوفیہ کے رونے کی آواز دروازے تک آئی۔

تم جیسی بے غیرت لڑکی کو تو مار ہی دینا چاہیے۔ کیا تمہیں ایک لمحے کے لئے بھی یہ خیال نہیں آیا کہ ہمارے محلے میں کیا عزت ہے؟ حدی صاحب صوفیہ کی طرف سوفے پر سے غصے سے دیکھتے ہوئے بولے۔

والد صاحب میں اسے پسند... صوفیہ کے الفاظ ابھی اسکے منہ میں ہی تھے، سعدی نے ایک زور دار تنماچہ اسکے منہ پر مار دیا۔

آپ اندر جائیں گی؟ گارڈ نے عائشہ سے پوچھا، جو کہیں کھو چکی تھی مگر پھر اس نے اپنا حوصلہ بحال کر لیا۔

نہیں میں پھر کبھی آجاؤ گی۔ عائشہ یہ بولتے ہی واپس چلی گئی۔

امی، آپ سچ کہتی تھیں ہر انسان میں ایک کہانی چھپی ہوتی ہے، انکو سمجھنا آسان نہیں ہوتا... جو بُرا ہے وہ خود پر شرافت کا لباس اوڑھے رکھتا ہے، اور جو اچھا ہے اُس کو فکر ہی نہیں ہے لوگ اُسکے بارے کیا کہتے ہیں... امی میں تھک گئی ہوں، میں واپس آنا چاہتی ہوں، میرا یہاں دل نہیں لگتا۔ عائشہ نے روتے ہوئے اپنی امی کو بتایا کہ شاید اس سے پہلی بار انسانوں کو سمجھنے میں غلطی ہو گئی ہے۔

عائشہ مجھے پتا تھا تم ایک دن ایسا ہی کہو گی، یہ تو بہت کم ہے، انسانوں کو تو سمجھنا اس سے بھی زیادہ مشکل ہے، اور اس مذہب کی تعلیم میں جب تک تم بہترین درجہ نہیں دھونڈ لیتی تم واپس نہیں آسکتی ہو، تمہیں ابھی بھی سیکھنے کی ضرورت ہے، مجھے میری بیٹی پر یقین ہے۔ عائشہ کی والدہ اس کو حکمت دیتے ہوئے بولی۔

امی میں بہت کمزور ہوں، آپ مجھے جھوٹی تسلی نہ دیں، میں اللہ تعالی کو کیا منہ دکھاؤں گی، میں نے کیسے لوگوں کو درجے دینا شروع کر دیا، مجھے اس کا حق اللہ تعالی نے کب دیا ہے۔ اللہ تعالی مجھے معاف بھی کرے گے کہ نہیں۔ عائشہ اب زور زور سے رو رہی تھی۔

میری بیٹی اللہ تعالی سچی توبہ قبول کرتا ہے اور تم توبہ کر چکی ہو میں جانتی ہوں اللہ تعالی تمہیں معاف کر دے گے۔ عائشہ کی امی اس کو تسلی دینے کے سوا کچھ نہیں کہہ سکی۔

اب میں فون رکھتی ہوں۔ اللہ تعالی بہتر مالک ہے، امی میں آپ سے بات بعد میں کروں گی اللہ حافظ۔ اُس نے فون رکھتے ہوئے کہا۔

عائشہ اب سیکھ چکی تھی کہ اُس نے کیا غلطی کی ہے۔ اب وہ اس غلطی کو نہیں دہرانا چاہتی تھی، اس نے اب صوفیہ سے بات کرنا کم کر دی تھی۔ صوفیہ اب بھی خود کو بہت اچھا اور لوگوں کو کمتر سمجھتی تھی مگر اب عائشہ اُسکی باتوں میں نہیں آتی تھی۔ وہ سعدیہ کی اب بہترین دوست بن چکی تھی اور اُس کے ساتھ زیادہ تر وقت گزارتی تھی۔

آپ اگر اپنے قریبی لوگوں کو پرکھتے ہیں تو ایسا کرنا چھوڑ دیں۔ اللہ تعالی ہمیں ہرگز یہ حق نہیں دیتا کہ ہم اس کے بندوں کو پرکھیں۔ ہم بھی انسان ہیں، ہمیں ڈرنا چاہیے اس دن سے جب اللہ تعالی ہمارا حساب کتاب کریں گے اور اللہ تعالی ہمیں اس شخص سے بھی نچلا درجہ نہ دے دے جسے ہم سب سے نیچا سمجھتے ہیں۔

اگر اپ نے کبھی کسی کو ایسے پرکھا ہے تو اللہ تعالی سے اس کی توبہ کر لیں توبہ کر لیں۔ بے شک، اللہ تعالی معاف کرنے والا اور غفور الرحیم ہے۔

أُولَـٰئِكَ ٱلَّذِينَ هَدَى ٱللَّهُ فَبِهُدَىٰهُمُ ٱقْتَدِهْ

"یہ وہ لوگ ہیں جنہیں اللہ نے ہدایت دی ہے، پس ان کی ہدایت پر چلو۔"

يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِٱلْأَلْقَابِ ۖ بِئْسَ ٱلِـَٔاسْمَىٰ بَعْدَ ٱلْإِيمَـٰنِ ۚ وَمَن لَّمْ يَتُبْ فَأُولَـٰٓئِكَ هُمُ ٱلظَّـٰلِمُونَ

"ایمان والو! ایک قوم ایک دوسرے کی طرح مذاق نہ کریں، شاید وہ ان سے بہتر ہوں، اور نا مردوں نا عورتوں میں ایک دوسرے کی طرح ان کا مذاق نہ کرو، شاید وہ ان سے بہتر ہوں۔ اور نا کوئی اپنے آپ کو مذاق بناۓ، اور نا کوئی بھائیوں کے لئے دوسرے عنوان لے، بعد ایمان والوں کے لئے بہت بد عنوان ہیں، اور جو شخص توبہ نہیں کرتا وہ ظالموں میں ہوتا ہے۔"

أَوَلَمْ يَرَوْا۟ أَنَّآ نَأْتِى ٱلْأَرْضَ نَنقُصُهَا مِنْ أَطْرَافِهَا ۚ وَٱللَّهُ يَحْكُمُ لَا مُعَقِّبَ لِحُكْمِهِۦ ۚ وَهُوَ سَرِيعُ ٱلْحِسَابِ

"کیا انہوں نے نہیں دیکھا کہ ہم زمین کی سطح کو اس کے کناروں سے گھٹاتے ہیں۔ اور اللہ کا فیصلہ ہے، اس کے فیصلے کا کوئی موکل نہیں۔ اور وہ جلد حساب لینے والا ہے۔"

وَمَن يُطِعِ اللَّهَ وَالرَّسُولَ فَإِنَّ اللَّهَ سَمِيعٌ عَلِيمٌۭ

"اور جو شخص اللہ اور اُس کے رسول کی فرمانبرداری کرے، بیشک اللہ بہت سننے والا اور بہت خبردار ہے۔"