Halo Tompinai ๐! Arini sa mo cerita pasal binatang yang sa piara.
Sebelum tu sa intro2 dulu, setakat ni sa ada piara 10 binatang (8 tingau๐ฑ dan 2 tasu ๐). Cuma 4 ikur ja suka bergambar yang lain2 sumbung. So sekarang sa kasi kenal korang yang kucing bongsu (salah satu 4 ikur binatang sporting bergambar yang sa piara ๐ท).
Gambar di atas tu baru ja sa ambi minggu ni dan nama dia Tigor.
Napa nama Tigor?
Kucing ni kan asal usul dia kucing liar di Taman Suria Penampang. Sa sama 
Berabis ni miaw bising 'miaw miaw miaw' mo minta makan tapi bila mo dekat miaw ni ketakutan pla. Terpaksa la kasi tinggal container sama baja kucing dekat miaw ni dan tingu dia jauh2 makan.
Banyak percubaan juga
Sa terus cek jantina miaw ni masa paluk dia pasal orang bilang kalo kucing jantan 3 warna bagus konon luck kalo piara. Malangnya, amoi pla miaw ni. ๐
Kira2 mo kasi lepas balik kat luar ni miaw bila puas main dia tapi miaw ni xda mo kuar dari opis sa. Macam terlalu selesa da miaw ni stay indoor. So, sa decide la bawa dia pulang mo pass sama jiran sa piara pasal jiran sa last year bilang dia mo piara miaw kici.
Time malam sebelum balik rumah, sa sama
Kira2 mo kasi piara di rumah, tapi miaw ni too sumbung, sanggup bertapuk di kabinet tanpa minum dan makan plus kali tidak berani kancing and birak sampai la awal pagi. Ni miaw xdamo berkenalan dengan pets sa lain terutama si Uku, si Nikulas sama si Otel (Nanti sa kasi kanal korang 3 ikur kat next post).
Terpaksa la sa bawa balik pi opis ni miaw on next day sama bawa sekali tampui kucing extra di rumah kasi dia 'o o' di tampui. Sa letak miaw ni kat bisnes operation room bapa sa pasal sa takut dia kasi koyak dokumen klien sa dalam opis sa.
Sa sama
Gini la (di atas) keadaan everyday bila baru masuk opis. Tigor ready mo masuk opis minta sayang sambil 'miaw miaw miaw' demanding buka pintu.
Belum satu minggu sudah si Tigor mengacau sa karaja. (di bawah)
Baru satu minggu, bulat da purut Tigor (tingu bawah). Sa share daging ayam kat nasi ayam sa bagi dia makan. Kalo tidak share, tidak aman sa makan lunch sa.
Tigor Si Pengacau
Ni Tigor suka butul ikut urang. Selalu hampir2 mo terpijak dia bila sa sama
Sampai sa buat hal dalam tandas si Tigor mo ikut juga cubuk sa.
Bikin gerigitan ni time sa menaip or susun dokumen, dia kacau sa macam di bawah. Kena selalu putung kuku dia kalo tidak banyak arts dia di kulit tangan atau kaki sa sama
Nasib Tigor ringan, kalo tidak jatuh ni monitor sa bila dia panjat ni monitor. Balik2 sa tampiling dia pasal terlalu jajal tapi makin dia suka. Kali Tigor ni M.
Tigor โค๏ธ Selimut
Tigor ni suka tido atas selimut. Sengaja sa beli selimut gelap tuk dia letak di store room atau tempat sa gulik rest bila otak sa da berasap gara2 terlalu berpikir masa keja.
Na ni legendary pose dari Tigor tido atas selimut favorite dia.
Suka butul si Tigor nenen selimut. Kali terlalu awal kena kasi tinggal mama tu selimut replacement tempat dia nenen kosong. Sampai la sekarang dia masi nenen selimut. Tidak tau la bila dia buang tabiat dia tu.
Uikna banyak juga wording sa ni..sendiri rasa diri sendiri hibat ๐ค . Ba, bila sa free share lagi binatang piara sa yang lain.
Korang ada terbaca sampai bawah ka? Hahaha ๐คฃ