Tayong lahat ay malayang makapagbigay ng tulong sa ating kapwa, Depende na rin sa kong gaano ka dami ang mga biyaya na natanggap natin galing sa Panginoon. Isa itong patunay na lahat tayo dito sa mundong ibabaw ay nagmamahalan at nagtutulungan, at isa itong paraan para kalulugdan tayo ng Diyos.
Kahalagahan ng Pagpapakita ng Awa at Habag Sa ating Kapwa:
Ang Salitang AWA ay isang napakandang paraan at gawa mula sa isang mabait at mabuting tao. Kinalulugdan ng Panginoon ang taong may gintong Awa sa ibang tao sa pamamagitan ng pagtulong. Tayong lahat ay iisang pamilya dito sa Mundo na dapat nagtutulungan at nagbibigayan na walang hinahangad na kapalit. Nakakataba ng Puso kapag tayo ay nakatulong sa ibang tao at tayo ay dapat magpasalamat dahil hindi tayo ang tinulungan subalit tayo ang tumulong sa ibang tao. Ang isa rin sa kahalagahan ng patulong sa kapwa ay ang pagmamahalan ng bawat tao dito sa Mundo, pagkakaisa at pagkakaroon ng matiwasay at magandang Pamumuhay. Kahit sa simpleng paraan ng pagtulong, ang importante ay nakapagbibigay tayo ng kasiyahan sa ibang tao.
Konsepto ng Pagpapautang Sa Panginoon ayon sa banal na kasulatan:
Ayon sa banal na kasulatan na isinulat sa Kawikaan 19:17 , na ang naaawa at tumulong sa mga dukha ay gagantimpalaan o babayaran sa kanya uli.
Ano ba ang gantimpala o kabayaran sa pagiging matulungin sa ibang tao?
Ang Buhay na walang hanggan ang isa sa mga gantimpala o kabayaran sa lahat ng mga magagandang nagawa natin dito sa Mundo lalo na ang pagtulong sa kapwa. Kapag tayo ay tumulong, dapat wala tayong hinahangad na kapalit sapagkat alam na ng Diyos ang mga kadakilaan at mga magagandang nagawa natin sa ating kapwa. Ibinibigay ng Diyos ang gantimpala na hindi natin nalalaman.
Kahalagahan ng Pagtulong sa Mahihirap:
Tunay nga ang kasabihan na ang pagtulong sa mahihirap ay isang paraan ng pagpapakita ng pananampalataya at pagmamahal sa Diyos.
Bakit?
Dahil isa ito na nagpapatunay na sinusunod natin ang mga utos niya, mga bilin niya bago siya pumunta sa Langit. Ang pagtulong sa mga dukha o mahihirap na tao ay dapat sinasamahan ng Dasal na sana mapapanatili ang pagmamahalan at pagbibigayan at pagtutulungan ng bawat isa bilang anak ng Diyos. Ang mga bagay dito sa mundo ay hindi mananatili kailan man, ang lahat ng ito ay mawawala. Pero ang pagmamahal sa Panginoon at sa kapwa ay mananatili habang buhay. Ang tukso na gawa ng masama gaya pagdamot sa kapwa ay palaging nakasunod sa atin, dapat natin itong iwasan at maiiwasan lang ito sa pamamagitan ng Panalangin at dasal. Ang Panginoon ay handang tumulong sa lahat ng humingi ng tulong at kabayaran nito ay ang pagsunod natin sa kanyang bilin o mga aral dito za Mundo.
Maraming salamat sa pagbisita at pagbasa ng aking post. Magandang gabi sa ating lahat at ang Panginoon ay sumasainyong lahat.