2019年07月06日 蘋果日報
【引渡惡法】8,000人遮打花園集會守護孩子 爸爸流男兒淚：多謝年輕人畀希望我哋
反修例風波6月至今，曾發表「母親論」的特首林鄭月娥卻對4名反送中年輕人輕生絕口不提，對社會訴求置若罔聞。一班港媽再度站出來，晚上在遮打花園舉辦集氣會，「要話畀年輕人知，我哋喺一齊嘅」，並要求港府放下傲慢，尊重生命，回應訴求。大會宣佈有8,000人參與，有爸爸上台分享時哽咽：「今次係我人生第二次流咁多眼淚。但今次眼淚背後，係畀咗我哋希望，呢啲希望係年輕人畀我哋嘅，要多謝年輕人」。
今次是繼6.12警方開槍鎮壓學生後，一群香港母親第二次舉辦集會。大部份人身穿黑衣，並為早前輕生的4名反送中年輕人默站1分鐘。大會又向出席者派發布條，在布條上寫上心聲和打氣說話，隨後再將不同的布條打結，象徵與年輕人連結、同行。同場亦有打氣機，展示網民和一眾媽媽的打氣說話。至晚上近9時，大會宣佈有8,000人參與，不少人聽到台上發言時亦不禁流淚。
大會媽媽主持Linda和Dorothy說，作為母親，若孩子發脾氣和不開心，都會希望給予孩子溫暖和愛，為孩子打氣，「無論處境幾難，成個6月嘅風風火火，我哋都行過咗，係時候錫下自己同身邊人，我哋要話畀年輕人知，我哋喺一齊嘅，係年輕人畀希望我哋」。她們指，政府7.1當日話希望修補關係，但至今仍未見行動，故發起今次打氣會，「香港人不嬲都係靠自己」。
上台分享的林先生多番哽咽，「人生第二次流咁多眼淚，第一次係89六四，第二次就呢幾日。30年前我覺得係無希望，但今次眼淚背後，係畀咗我哋希望，呢啲希望係年輕人畀我哋，我哋要多謝呢班年輕人」。他續指，7.1遊行經過立法會，見到學生們在衝擊感到十分擔心，「我同啲年輕人講，小朋友乖啦唔好咁樣，個政權就係想我哋咁做，佢會打你哋、捉你哋去坐監㗎，但啲小朋友、10幾歲嘅學生話，我哋連死都唔怕㗎啦坐監怕咩喎，我哋乜都無㗎啦。點勸佢哋都無法子……」。他說，今次是漫長的仗，要支持年輕人，「話畀佢哋知，我哋有好多選擇，將來係屬於佢哋。呢個政權乜都驚，我哋就要放鬆、掉轉心態，唔好再喊，要笑住抗爭。啲年輕人咁有創意，不如下次一齊唱住歌，然後每人送上10隻雞蛋，將立法會變成黃色蛋糕，係我哋最愛嘅顏色」。
身為父親的蔡澤鴻上台發言，他批評董建華昨日指任內推動通識科導致年輕人「出問題」，指「幕後黑手」實是林鄭，「面對年輕生命嘅消逝，佢一句嘢都唔講，呢個係咩政府？呢個係咩人？唔該你畀香港人唞吓啦！你早唞啦！」獲全場和應。他指希望讓年輕人明白，「呢個世界有種爸爸媽媽願意幫你哋擋棍、擋子彈，香港好多爸爸媽媽好願意同你哋一齊行落去」。
由北京來港30多年的67歲婆婆說，自己年少時在內地讀書，父親從商，但老師竟寫文章批鬥自己父親，「因為佢係資本家。我驚到唔敢返屋企」，那時便明白說出真相的重要，「我對共產黨一啲幻想都無」。她指，香港擁有自由，言論自由更是「第一」，斥港府高官不願見人，「係因為講太多大話」，自己已和內地經歷太多「欲加之罪何患無辭」的情況，故當政權打壓學生，「一定要出嚟保護佢哋。要想盡辦法支持學生」。
在6.12衝突力勸警察收隊的英勇媽媽陸錦城批評，林鄭月娥至今未回應3名反送中人士輕生，足見其麻木不仁，視人命如草芥，在7.1佔領立法會前，她作為政府首長，應現身化解危機，卻任由立法會內警察應付示威者衝擊，「立法會得幾十個警察，示威者同警察都危險，如果佢（林鄭）當警察係自己人，就應該出來解圍，佢蹺埋雙手作壁上觀，自己人都唔理，佢對學生係歹毒，對警察都係歹毒」。對於佔領立法會，陸錦城反問，「立法會係玻璃重要，定係規矩重要？相對破壞立法會，破壞立法會秩序係咪更嚴重？如果要拉，係咪要判咗破壞規矩嘅人先？」
前立法會議員何秀蘭在集會上發言，呼籲市民支持「612人道支援基金」，除了支援傷者及被捕者外，亦希望能為年輕人提供心理支援服務。
其中一位集會發起人陳廣慧表示，作為一名香港媽媽，並不希望再舉辦這樣的集會，但第二次舉辦集會是因爲政府到現時仍未能好好地回應香港人一直以來的訴求，「就係希望撤回修訂逃犯條例，撤回暴動定性，以及成立獨立調查委員會」，希望政府能好好回應港人訴求。她說今次再舉辦集會，更重要的原因是希望告訴年輕人並不孤單，「香港人係企埋一齊，我哋見到好多年輕人行到好前，我哋一班大人同媽媽喺背後一路都支持住佢哋」，又指不希望再看到任何人犧牲及離世。陳指暫時未有計劃舉辦下次集會。
集晚上9時半結束，大會主持Linda和Dorothy說，集會籌辦得很倉促，但仍能一呼百應，「因為大家都在乎」，籲大家記住今晚的溫度和力量，「帶畀身邊人。今次亦係示範畀政府睇，乜嘢應該要做但佢哋一直無做」。
https://imgur.com/pg8DYr8
為了抗爭而受傷、被捕，甚至失去生命的年輕人，中環8,000人以手機電筒代替點點燭光。馬泉崇攝
https://imgur.com/OG68RRe
林先生坦言今次是漫長的仗，要支持年輕人，「話畀佢哋知，我哋有好多選擇，將來係屬於佢哋。呢個政權乜都驚，我哋就要放鬆、掉轉心態，唔好再喊，要笑住抗爭。」夏家朗攝
https://imgur.com/dX87G7D
歌手何韻詩在台上發言說：「你哋（年輕人）改變咗我嘅一生，無論係2014年傘運定今日，都見到年輕人喺度進步。每一小步咁向前行，年輕人要將視線拉遠，而家可能覺得好似做咩個政府都無動於衷，但所做嘅每一樣，都喺度影響緊其他人。越多人出保護年輕人，年輕人就可以繼續行落去」。夏家朗攝
https://imgur.com/EdGd1QQ
民陣召集人岑子杰（右）亦有參與集會。馬泉崇攝
https://imgur.com/G2KZDrC
大量市民在遮打花園參與活動。馬泉崇攝
https://imgur.com/DvY5i6T
有家長帶同年幼子女參與集會。夏家朗攝
https://imgur.com/WtPJWU4
參與者在集會開始前為反送中而輕生的人士默哀。馬泉崇攝
https://imgur.com/zdQd0JA
大會向參與集會的市民派發布條，寫上自己的訴求。馬泉崇攝
https://imgur.com/TUcVTnN
每當提到有年輕人被打至頭破血流甚至輕生，都有參加者不時拭淚。王心義攝
https://imgur.com/McS02Tv
參加者在布條上寫上打氣標語，以示與年輕人同行。王心義攝
https://imgur.com/SaNqVVR
身為父親的蔡澤鴻指希望讓年輕人明白，「呢個世界有種爸爸媽媽願意幫你地擋棍、擋子彈，香港好多爸爸媽媽好願意同你地一齊行落去」。夏家朗攝
https://imgur.com/RPHnGbr
曾喝罵警察的「霸氣哥」曾建峰，他指近期香港人已經很「攰」，又指最近大眾需要四出尋找萌生死念的人士，他呼籲市民要繼續撐下去，不要讓同路人更加「攰」。曾建峰又表示，父親曾是警察，在貪污盛行之時保持廉潔，甚至在偷渡潮期間會為偷渡者送水，他指這才是自己心目中的正直警察。夏家朗攝
https://imgur.com/P895DGf
樂隊Boyz’ Reborn在集會上獻唱，主音Ben透露於7.1當日他曾走到天台，但最後也忍住了，「唔希望再有任何一個人因為呢件事而犧牲，自己都要繼續頂落去，有人話黎明前嘅黑暗係最黑最漫長，我唔知道有無黎明，唯有活着先見證到一切發展」，台下集會市民一度為他打氣，Ben指他承諾會跟大家一齊走落去，亦接受不到任何人再因此而離開。夏家朗攝
https://imgur.com/oI3VCl4
區小姐不認為當日衝擊立法會是暴動，「只有暴政，沒有暴徒」，又認為年輕示威者表現得非常克制，「好有心去抗爭，所以一定要去支持佢哋」。她批評因林鄭不肯撤回修例，故令衝突不斷升溫，「依家搞到一發不可收拾又將責任推去後生仔度，佢哋係拎自己前途冒險，林鄭係一定要負責任」。
https://imgur.com/pquj358
身為父親的王先生表示政府現時採取的態度對整個社會都不是好事，「當年青人無出路時，一路一路咁樣升級，佢愈升級你愈鎮壓，個失敗感係會愈重」，作為父親，看到有年輕人因此而離開，他直言感到「唔開心」，「呢啲基本上都係將來嘅棟樑，點解政府一句都無回應，用無恥都唔夠形容」，又指父母辛苦養育一個孩子長大，「全部都係辛苦咁令到佢哋成長，但要佢哋毀滅自己嚟控訴，呢個政府真係麻木不仁」。
https://imgur.com/s2OY8NB
杜先生表示現時要利用群眾壓力去迫使林鄭作出承諾，「佢啲模棱兩可嘅回應香港人絕不接受」。他又可惜有年輕人因此而離世，「真係唔好再用咁嘅方法，我知道年輕人嘅壓力係非常大，有無力感同絕望感，我哋都好努力係唔同圈子勸緊年輕人，死嘅應該係政權」。
https://imgur.com/nHnW8p5
60歲的陳女士指當政府越打壓年輕人，大人便越需要站出來，「我哋唔想再有年輕人犧牲，睇住佢哋時會覺得好對唔住，剩係得班後生仔衝，我哋班大人去咗邊呢？」對於有人為此而離開人世，陳婆婆直言傷心，本身體弱多病的她過去也有尋死的念頭，「但當有第一個人離開咗之後，我就無咗呢個念頭，我一定要代佢哋繼續行落去」。
現場直播：（約2小時半）
24小時求助熱線︰
香港撒瑪利亞防止自殺會熱線︰2389 2222
撒瑪利亞會熱線︰2896 0000
生命熱線︰2382 0000
東華三院芷若園熱線︰18281
社會福利署熱線︰2343 2255
醫院管理局精神健康專線（24小時精神健康熱線諮詢服務）：2466 7350
明愛向晴熱線：18288
新聞原址：https://hk.news.appledaily.com/local/realtime/article/20190705/59789562
其他傳媒發佈的更多照片：
https://imgur.com/AEKSvlf
https://imgur.com/PrgSBXt
https://imgur.com/FQOMVqK
https://imgur.com/xkejXN9