Allah ki di gayi Aazmayeshon ko saza tasavur Karne ke Bajaye Allah ke aur nazdeek hone ka Zaraya samjhein ❤️
Allah ta'la apne Aziz Bandon par hi aazmaish daalta hai
Jo Allah ke Aziz bande hote hain unka hi
Allah sabr Imaan aur taqwa aazmata hai
Aur haqeeqath mein aazmaish tab hoti hai jab Allah swt uski sabse Azeez cheezon ke Zariye use aazmate hain aazmaishon se jo dard takleef hamein milti hai usey hum taufeeq lein.
Hamare Andar jitna dard hai woh har din hamein yeh ehsaas dilata hai ki yeh duniya faani hai !!
Sab cheez
Har shai
Har zarra
Har milkiyath
Naam
Izzath
Shohrath
Rutba
Wajood
Khoon paseena ek Karke Kamaya Hua maal Daulat
Khwabon khwaishon se buna Ghar
Sagi aulad
Shohar
Maa
Baap
Bhai behen
Har Rishta ... har Natha
Sab faani hai .
Agar koi na mitne wali shai hai tho woh hai sirf Allah rabbul izzath ! Uski Zaat uski Shaan uska Noor uska Rahem uska karam uska Jalaal uska Waada uska Adal !!
Shukr karti Hun Main Allah ka aaj ke mujhe is dard se guzara !
Wabasta hui Hun main aaj is duniya ki haqeeqath se ...
Kitni haqeer. kitni khudgharz . hai yeh duniya .. rang badalte log !
Kya hai Aisa is dunya mein Jisko paane ki koshish mein hum iske peeche Bhage chale jarahe hain ? Hamare Sath aaj jo bhi horaha hai darasal iske peeche poshida maqsad hain agar woh jaan Lein to zindagi aasaan hai .. koi bhi musibath hamein takleef pohnchane hi nahi Aati yeh apne Sath ek ibrath ek taufeeq Lati hai Jise smjhne ke liye humein ghaflaton ki neend se jaagna hoga yeh Allah azwajal hi ka ik tareqa hai hum tk yeh Taufeeq pohnchane ka ki Jago apni Ghafil nafarmani wali zindagi se .. main tumhe Pukar raha Hun kheench raha Hun ke mat gum ho jao is dunya ke peeche itna ki bhool chuke ho ki yeh to buss ik safar hai manzil nahin !!!
Kya taiyari ki humne apne aaqirath ki ? Us zindagi ki jo kabhi na qatm hone wali hai.. apne Rab se Milne ki ?
Yeh zindagi jo ata ki gayi hamein khalis ek maqsad se.. ke us rab ki pairvi ki jaye uski bandagi ki jaye us pe imaan laein uski ibadath karein usey poojhein
Uski farmabardari karein .
Kya yeh zaruri hai ki humpe aazmaish ke Badal girein tab hi hum sajdon mein jaaein kya hamare Andar ka imaan tab hi Jagega jab hum par koi museebath aa padhegi ???
Aye Rabbul Alameen hamein Gumrah hone se bchale . Sirat ul mustaqeem par chala
Hamari naslon ko deen ka daayi bana hamein aur hamare auldon ko shaitan ke shar se aur is dunya ke har fitne se hamari hifazath farma
Imaan Wali zindagi aur imaan par khatima naseeb farma .
Ameen ya Rab