Assalamu`alaikum warahmatullahiwabarakatuh, Pada saat kontes hiem aceh KSI Bereh Part#1 belum sempat mengikuti, maka kali ini saya mencoba peruntungan dan menjawab Hiem Aceh part#2 menurut kemampuan yang saya miliki.
Assalamualaikum hai wareh kaom dan teungku ampon babandum seumua. Loen cuba jaweub soalan hiem nyaoe sambil meurunoe seubab loen bangai lagoina.
Soalan nyang phoen ulon mat meusaneut supaya beujeut jaweub lon teuma. binatang tari dan keubitbit lagak, adak lam rimba ureung jak mita, nyan keuh cicem nyang galak meu upat beungoeh hingga sinja, kareuna dijihpih hana lakoe lakab that meusoe burujuek balee geukheun nama.
Soalan nyang dua meunyoeloen meuphom, seubab disandeng rab buboeng geulhat lee poma, bak jih sibak oen pih sioen adak meuribee thon hana tom mala. peureulee aweuk bek tutong jaroe, janjan teungku droe maguen tanyoe dumna. Nyan keuh aweuk
Soalan keulhee loen cuba jaweub, meunyo hana beutoi bek neumarah teuma. Tueng ie seumbahyang Peurintah Allah teuntee peut basah dua tho teuma, meunyo nyang thoe niet dan tertib meunan neumarit para ulama, dan nyang peut basah meunurot Qur`an, rhah muka dan rhah dua jaroe beutroh bak seungkee beutroh meulhee goe nak sunat pih kana, teuma oeh lheuhnya taboeh ie bak ulee, lagee lazem tentee beukeunong rambot keupala. teuma rhah gaki dan dua mata gaki mangat jih meuri oeh akhee masa.
Soalan keupeuet lon cuba peuglah meunyoe salah keubit lon bangai lagoina, nyan keueh boeh U wahai guree droe rata jeub nanggoe peureulee dumna, Kuta yang phon geukheun kuta taloe, tapeeh teungku droe peulindoeng kuta kedua, kuta keudua geukhen kuta beusoi nyan keuh bruek jih kreueh leumpahna, teuma yang keulhee kuta pirak, puteueh meukeuprak asoe jih dumna, dan lom diteungoeh jih ie dum meunyoe tajeub mangat meurasa.
Soalan limoeng waha guree loen adakpih kureung meuphom loen cuba chit boeh maka, nyan sang meunyo beutoi sang binatang jeuneh seurangga/tawon, geuboeh nan Geumeutoe menyoe ji seungat leupah that meubisa.
Seeb oehnoe hai teungku ampon jawaban bak loen chit nyoe nyangna, Hormat keu poma, ayah seureuta guree supaya meuteumee sempeuna, keu panita, keu donatur, keu dewan juri dan rakan bandum adakpih beu eukjeut beumeusyedara. Peumeah uloen hai bandum rakan bek jeut keu utang akhirat donya. patna ranup nyang hana mirah, pat peuneurah nyang hana bajoe, patna tutoe nyang hana salah, hana bak awai mungken na bak dudoei, Salam hormat KSI Bereh, semoga sukses selalu.