Komplek Rumah Teungku Chik Awe Geutah
Teungku Abdurrahim geucok langkah meunuju Paya Rabo sampe tinggai geu sinan hana that treb (Gampong Paya Rabo nyan jinoe ji tamoeng lam wilayah Kecamatan Sawang, Kabupaten Aceh Utara).
Lheuh paduep trep sinan geuminah lom u gampong Pulo Iboih (jinoe ji tamoeng lam wilayah Kecamatan Jangka). Golom meureumpok teumpat nyang cocok Teungku Chik Awe Geutah geuminah lom u teumpat laen.
Teungku Abdurrahim geu hijrah lom u Keude Asan (blah tunoeng keude Matang Glumpang Dua wilayah Kecamatan Peusangan). Sinan pih Teungku Chik Awe Geutah na geuduek na paduep saah sira geu peubeut urueng lam gampong nyan. Bah pih ka dum na trep tinggai di Keude Asan droe neuh nyan golom cit meurasa seunia lagee neu meukeusud.
Hingga teuma Teungku Chik Awe Geutah (Abdurrahim) geu seumayang sunat istikarah peut malam meu turot - turot, geulakee peutijoek Allah di ateuh saboeh rueng glee nyang meuhadap ban peut arah mata angen
Bak malam phoen Teungku Chik Awe Geutah seumbayang sunat istikarah teungoeh malam, droe neuh nyan ek u ateuh saboh buket nyang manyang nan jih Glee Sibru (jinoe roeh lam gamong Cibrek, Kecamatan Peusangan). Di ateuh glee nyan Teungku Abdurrahim neudoeng meuhadap u arah tunoeng.
Trep cit droe neuh nyan neudoeng ngoen neupandang jioh keunan tapi hana leumah sapeu nyang na deuh nakeuh pucok labu. Na ureung peugah pucok labu nyang deuh neukaloen le Teungku Abdurrahim (Teungku Chik Awe Geutah) nyan keuh Gampong Geulanggang Labu, Kecamatan Peusangan.
Bak malam keudua lheu seumbayang sunat istikarah Teungku Abdurrahim geu ek lom u ateuh puncak glee nyan. Droe neuh nyan meuhadap u arah barat, tapi hana dueh neu kaloen sapeu.
Malam keu lhee droe neuh nyan pubuet lagei soet teuma meuhadap arah keu arah baroh, hana leumah sapeu, hana sapeu tanda jeut neu cok keu peutujoek.
Baroe bak malam keu peut Teungku Abdurrahim (Teungku Chik Awe Geutah) lhueh meuhadap keu u timu sinan leumah lam pandangan mata na sipeu - sipeu, saboeh sinan leumah pandangan cahya puteh gleh meusapat sinan.
Singoeh beungoeh Teungku Abdurrahim (Teungku Chik Awe Geutah) langsong beurangkat meunuju u daerah asai cahya nyang geukaloen nyan, lom jih na ikot paduep - paduep droe sigampong nyan.
Meuseubat lagee peutinyok Teungku Abdurrahim nyang pimpin langsong peujalanan hinggan sampoe bak saboeh teumpat nyang geuyakin teumpat cahya puteh nyan.
Bak watee nyan bandum daerah teumpat nyan mantong rimba Tuhan ngoen uteun raya kasak kasek. Komudiam uteun raya kasak kasek nyan geutubang, geucah mandum hingga gleh keuh teumpat geumeuduek hinggan jeut keu saboh gampong.
Bak siuroe geumeupiyoeh hek lheuh keurija teumeubang ngoen peugleh Teungku Abdurrahim (Teungku Chik Awe Geutah) geutayoeng bak reukan - reukan bandum, peu nan ta boeh keu nan teumpat geutayoe nyang baroe jinoe..?
Diantara reukan - reukan nyan bandum geukheun nan maseng - maseng, tapi golom na nyang meukeunoeng ngoen jikap lam pikeran. Salah sidroe di antara urueng nyan, sira geudeuk peugleh geutah boh awe meukumat bak paleut jaroe geuh, geu kheun bah le lon boeh saboh nan : "peu payah - payah that ta pike keunoe keudeh, keu nan teumpat geutayoe nyoe, pakriban meuye ta boeh nan Awe Geutah..?" tanyoeng urueng nyan.
Nan nyang geu usoi nyan keuh laju geuteurimoeng le Teungku Abdurrahim seureuta rakan - rakan geuh mandum. Mulai saah nyan teumpat geumukim baro nyan geulakab nan Awe Geutah
