Hana ta thee jan umu katuha
oleh Muhammad Aiyub
Dengen bismillah loen puphon kalam
Loen Pujo tuhan Allah yang Esa
Seulawuet saleum teuma oh lheunyan
Ateuh janjongan saidil Anbiya
Nabi Geutanyoe nama Muhammad
Akhlak ceudah that hana bandengsa
Sikaphe mantong cukop disegan
peulom geutanyoe islam
Ateuh janjongan bek sagai lupa
Beule seulaweut uroe ngen malam
ateuh janjuang rasul mustafa
Beu tatuemee syafaat bak uroe kemudian
Beu sajan ureung meu iman dalam syuruga.
Hudep lam donya cuma singgahan
hanya sebuah permainan lagee sandiwara
bak tapet tabluet uroe ngen malam
hana tathee jan tanyoe ka tuha.
Aci neupike watee saboh jan
Yoh watee meugang 2 thon yang ka
bak tapeunyum-peunyum ken hana tatuoh ban?
sang sang cit rakan baro baroesa
meunan keuh umu geutanyoe rakan
hana tathee jan umu katuha
sang sang baroesa ban tapupulueng boh bhan
jinoe hai rakan hana le daya
Watee baroeken cukop that garang
Watee saboh jan yoh mantong muda
tapi jinoe leumoh ngen badan
Kagadoh garang hana le daya
Uleh karena nyan wahe e rakan
tapeutoe tuhan laju beusigra
mungken yoh dilee le salah pergaulan
leu salah makan roh meueut peng riba
Seugohlom nyamong pisah ngen badan
taubat hai rakan laju beusigra
karena watee hana tatujan
tathee thee hai rakan uroe ka jula.
Tiep uroe sabe bek tuwo sembahyang
talakee bak Allah beu geubi ampunan
Abena kesalahan watee awai ka.
Et noe keuh dilee haba loen tuan
teuma laenjan tasambong teumo
loen tutop bareh dengen wassalam
mudah-mudahan aman setosa