A.tajak u gle tajak koh kayee,,
Kubah perudee tempat lauk kutru,,
Nyan hiem droeneh bak postingan di Lee,
Beurijuek balee jaweub jih tungku.
B. Rumoh karu, ureung teumaleuk,,
Bu dua neuk, kanoet ka bukah,,
Hiem droeneh yang keu dua, wahee aduen euk,
Jawaban aweuk ngoen tumok kuwah.
C. Jaweub yang keu lhee wahe taulan,
Tueng ie sembahyang geurasi nama,
Dua yang thoe wahe rakan,
Niat di sinan Tertib beuna,
Peut yang basah wahe eu kawan,
Rhah muka rakan yang pertama,
Tema kedua wahe steemian,
Dua blah tangan ta basuh sigra,
Tema yang keu lhee hai bandum taulan,
Sapu hai rakan kepala gata
Tema yang keu Peut wahe eu rakan,
dua kaki rijang rhah beusempurna.
imagesource
D. jaweub yang keu peut wahee aduen droe,
Boeh U hai adoe jawaban tema,
Kuta yang phon, kuta taloe,
Tapeh hai adoe geurasi nama,
Tema keu dua kuta busoe,
Nyan hai aduen droe Tempurung nama,
Tema yang keu lhee wahee rakan droe,
Kuta pirak bunoe geuboeh nama,
Wareuna puteh, gleh han bagoe,
Nyan hai ade, asoe U nama.
E. Tema keu limong wahe eu rakan,
Jaweub hiem nyan unoe nama,
Meunan jeunaweub wahee eu taulan,
Aleh euk meunang, han euk lon kira,
Meunye pih taloe kakeuh hai rakan,
Paki ta paban ka eut noe kadha.
imagesource.
