Wahai rakan steemit bandum. Ingat beuteugoh, nyoe buleun puasa, siat teuk geutanyoe mandum katrok bak uroe raya. Teuntei menye karap uroe raya mandum geutanyoe sibok ngen mita belanja pereule ke bajei baro, bajei baro eneuk miet, kueh uroe raya, dan sebagoe kebutuhan laen. Meskipun lageinyan geutanyoe harus beuteugoh that bak tajaga harta geutanyoe, karena watei karap uroe raya kejahatan pih le that.
Urueng-ureung jahat watei karap uroe raya, macam-macam lemah akai jih bak jimita peng, urueng jahat hana jipike haleu ngen hareum nyang penteng bak awaknya na belanja keu uroe raya. Jadi geutanyoe mandum payah waspada, bek sampe bak mita raseuki nyang hana jelah ka meuramah. Lagei bak steemit, kadang geutanyoe hana sadar, bak ji iming-iming le urueng vote tiep uroe, karoeh meujok password steemit keu tukang teumipei, ubena SBD dan Steem yang kahek tapeusapat lawet nyoe kabeh mandum ji cok keu gop.
Macam cara ureung jahat jie teumipei. Ladom na lewat hape, ji telpon jipeugah na hadiah moto keudroe neuh, sehingga droe neuh ka jiteipei jiyue kirem peng lewat rekning droe neuh. Na nyang ji SMS jipeugah droe jih dari telkomsel atau sebagoe jih, nyan bek neupateh sagai. Na chiet ngen cara jipasoe selebaran lam plok makanan lagei lam plok kupi shacet, jiboh sion keureutah. Lam keureutah nyan meutuleh, droe neuh kana meuteumei hadiah moto bahkan lam keuretah nyan na cap urueng hayeu-hayeu, nyan bek neupateh beuh, ji peungeut neuh.
Bek Lengah Beuh
Meunan chit pat laen, menye neujak seumbayang taeraweh u menasah atawa u masjid, menye neujak ngen kereta (Honda) bek tuwo neuh boh gunci ganda bak Honda droe neuh, meunan chiet watei neujak u pasai neu jak belanja, bek neupeudoeng Honda berangkapat. Watei neuk eh malam bek tuwo kunci pinto dan jendela rumoh, neupeuriksa beugoet mandum, bek lengah tungku abeh neuh.
Bagi kaum ibuk, nyang sering ek Honda, na neume tah jinjing lam tah na hape, na peng dan na surat-surat penteng, bek sampe tas neu pakek bak baho, sehingga mudah di jambret atau di tarek oleh penjahat, beuteugoh that, bak rencana nak bloe bajei baro u kuede, ka hana le tah ka jipuplueng le jambret. Meunan chiet nyang meukat, beleuheun na macam cara penjahat menyamar sebagoe pembeli, lheuh ji cok barang droe neuh jipeugah ka teuwo jime peng, nyan bek neupeuleuh menye urung hana neuturi, neuyue jak cok peng ilee baro cok barang.
Na chiet cara seumengeut bak waroeng bu, lheu yue bungkoh bu trok sireutoh boh, lheunyan lakei peng bak po warung sireutoh ribee, peugah nak bloe ie mineral bak keude laen dan jipeugah sigoe ji bayeu ngen peng bu. Nyan bek neupateh peng yang neujok gadoh, bu yang kaleuh neu bungkoh hana pat cok peng. Na nyang modus me ansuran u rumoh, nyan beluheun chiet neupike idroe neuh lam tas jih jai that bajei baro ansuran, ban tanjo ka ija brok, lheuh ji pinjam Honda droe neuh ka hana balek le, Honda ka gadoh tah ija brok tinggai keudroe neuh.
Na cara lom ureung teumipei ngen belanja online, nyan beuleuheun chiet, bek bak pike pakaian lagak that bak online sang han meuteumei bloe le, nyoe biasa kaom ibuk. Lheuh neu kirem peng, kabeh uroe raya bajei hana trok di kirem, nyan beuleuheun neungieng toh online yang beutoe dan nyan terpercaya. Na chiet ngen modus ansuran pinjaman BPKB moto, atau Honda nyan di scener, belueheun wahai para peminjam uang, adak meukarat that beuhati-hati droe neuh mbandum.
Macam cara penjahat meita raseuki, na ladom pancuri ngen moto avanza tamong u gampong malam jak cue kameng, nyan beuleuheun chiet. Nyang muda-mudi beuingat-ingat chiet, bek sampe jipeungeut le pacar, yue kirem pulsa, yue bloe hape, yue bloe bajei baro, pakat jalan-jalan, abeh pue-pue nyang na, ban ji meukawen ka ngen gop…,abeh saket. Beuleuheun nyan Donjuan .....he he he.
Jadi mulai uroe nyoe geutanyoe masing-masing tajaga hareuta geutanyoe bek hase jicok le penjahat, tukang tipei dan pencuri. Tulisan nyoe sebagoe peringatan keu droe neuh mandum bek sagai-sagai lengah dan lalei, icok atra neuh di gop.
SEMOGA BERMANFAAT. SALAM KOMUNITAS STEEMIT INDONESIA
