Bak saboh uroe, bak saboh grop WA, padup-padup droe seuniman dicangpanah tentang Dewan Kesenian Aceh. Ulon tuan nyang hana meuphom hai cuma teunga-nga mendeungo awak nyan peugah haba.
Phon-phon salah sidroe seuniman geuteumanyong soai Dewan Kesenian Banda Aceh. Memang katreb DKB hana haba. Peue lom tatanyeng keugiatan. Lalu seuniman laen, Herman RN, geutanyong: DKA peue haba lawet nyoe. Meunan-meunan keuh laju, awak seuniman nyan that gura didiskusi lagee dimeudawa. Hana dewasa meubacut pih cara diskusi awak nyan.
Nyang sidroe teumanyeng, nyang laen gadoh peuglah droe han ditem dipeusalah. Padahai memang beutoe DKB maupun DKA seungap lagoe na. Menyoe DKB memang lagee rumoh teupulen panyet. Syukurlah DKA na sigogo tadeungo haba. Tapi seubeutoi jih hana hai nyang monumentap dipeuget.
Nyang lucu lom, DKA seolah-olah membawahi dewan kesenian kabupaten/kota. Padahai meuneurot aturan masing-masing Dewan Kesenian berdiri sendiri. Dewan Kesenian adalah mitra pemerintah dalam bidang kesenian. Dewan kesenian kon organisasi massa nyang na pengurus pusat, daerah, cabang hingga ranting.
Lon kalen awak nyan hana meuphom soai nyan. Tampak jih hana dibaca Instruksi Menageri (1991) yang mendasari Pendirian Dewan Kesenian. Sehingga le tateumee pemahaman nyang rancu, bahkan salah. ***