Hello Dosto, Jab bhi aap sochte hai ki kahi safe jagah invest kiya jaaye to sab se pahle aap ko fixed deposit ke baare me sochte hai. Hai na sahi kah raha hoon ki nahi jab bhi koi invest karne ka sochta hai to sab se pahle fixed deposit ka option hi usko sujhta hai. Ek aur baat jab fixed deposit karne ka sujhta hai to sab se pahle state bank of india hi sujhta hai. Sab se pahle log isi bank me invest krne ka sochte hai.
Ye bank ko jyada safe maante hai log aur iss me bheed bhi bahut jyada hoti hai. Kabhi aap gaye ho ki nahi sbi bank. Jaa ke dekho ek baar sala itna bheed rahta hai ki kya batau. Mera bhi SBI me account hai lekin main kabhi jaata nahi hoon jyadatar kaam mera online hi ho jaata hai. Online ke jamaane me bhi waha bheed lagaaye rahte hai log.
LIC ke iss policy me milti hai FD se jyada return
Haan ab aaye hai main mudda par. Jab bhi investment ki baat aati hai to log FD ki taraf jaate hai aur sochte hai kisi bank me FD karwa le. Aap to jaante hi ho LIC bhi bahut safe hai aur sarkar bhi iss me judi hui hai. Aaj kal sabhi log LIC me paisa laga rahe hai. Maine bhi LIC ke kayi badhiya policy ke baare me aap ko pahle hi bataya hai.
LIC ke housing finance FD par mil raha hai jyada interest. Iss me ek aur faayda mil raha hai jo senior citizen hai unke thoda aur jyada interest mil raha hai. Isliye kayi log iss me apna fd karwa rahe hai.
Kitna kar sakte hai nivesh
Iss me kam se kam 10 hazaar koi bhi invest kar sakta hai. Iss me max 20 crore tak invest kiya jaa sakta hai. Bataiye jinke pass paisa hai wo paise se kitna paisa banaata hoga. Yahi faayda hai yaar paisa hai to bas lagaate jaao aur kamaate jaao. Apne pass to itna paisa hi nahi hai chota mota invest karte hai wo bhi crypto me. Jyada paisa hota to iss me bhi invest karta.
Iss ke baare me main aap ko aur bhi jankaari dunga lekin apni agli post par. Iss se pahle main aap ko ye kahna chahunga ki main pahle bhi aap ke saath LIC ke kuch policy ke baare me share kar chuka hoon. Wo bhi policy achhe they aap unpar bhi ek najar jarur daale. Kuch ka link maine niche dala hai aap check kar sakte hai.