Bizi gözəl üzənlər kimlərdi? Dönürəm, dolaşıram, Dostoyevskidə dayanıram. Sözün zirvəsi Dostoyevski deyirdi ki, insan qəlbi hər gördüyü, hər eşitdiyi şeylərdən etkilənir. 
İnsan psixoloğiyasını araşdıran yüzlərcə alim yüzlərcə əsərlər yazmışdır. Amma sizə bir söz deyimmi? Onların xoşbəxt olmaq üçün önərdiyi yollar əksər vaxtlarda effekt vermir.Yaxşı tanıdığımız " Dostları necə qazanmaq" mövzusunda ölməz psixoloji əsərlər yaratmış Deyl Karnegi omrünün sonunu tənha və səfil həyatı yaşayaraq bitirmişdi. Və ya " Usaqlar və onların ideal tərbiyə üsulları" mövzusunda böyük əsərlər yaradan Benjamin Spak övladları tərəfindən ahıllar evinə verilmişdi. Bütün bunlar nə deyir? O danılmaz faktdı ki, insan düşüncəsi və hissləri idarə olunmur. Hər an sürpriz qərarlarla doludu qəlblərimiz. Bir də görürsən ki, səni durmadan üzən, qıran birisindən vaz keçə bilmirsən. Ya da ətrafında olub səndən öz iltifatını, diqqətini əsirgəməyən birini bilə- bilə özündən uzaqlaşdırırsan.
Bizi kimlər ən " gözəl" üzür? Üzmələrinə icazə verdiklərimiz. Bizi ən çox nələr üzür? Bəkləntilərimiz. Bir də bizi ən çox üzən imkanlarımızla arzularımızın tarazlıq səviyyəsinin çox fərqli olmasıdı. Bütün bunların nənələrimizcə, babalarımızca cavabı yorğanımıza görə ayağımızı uzatmamağımız və az aşımız, ağrımaz başımız kimi sadə həqiqətə əməl etməməyimizdir. Qardaşım, çıx təbiətə, dərindən nəfəs al. Günəşi sevirsənsə, kölgə axtarma. Yağışı sevirsənsə çətir axtarma. Az adam, çox hüzur və təbiət😊
