LEUMANG BULEUN PUASA1. item

Salam alaikum saleum lon layang
Kepada rakan mandum syedara
Lon keuneuk tuleh keu soal leumang
Saboh makanan buleun puasa

Ta ek ugunong buloh ta teubang
Ta keubah uram yang tuha tuha
Puwoe u reumoh ta peugoet leumang
Yu ramah santan bak ma sidara

Lheuh geu pasoe breuh lam pucok pisang
Pasoe udalam resep sireuta
Lam ruhung buloh keunan geu sumpai
Laju geu seumbam lam apui raya

Buleun puasa meu macam ragam
Peugoet makanan pu pu yang hawa
Na yang boh rom bakwan ngoen timphan
Na peugoet leumang ube be raya

Jeut rata sagoe ureung toet lumang
Na cit yang panyang na yang sidupa
Na cit yang ladom publoe u peukan
Oeh lheuh geucang-cang ngoen silei srikaya

Tajak u bireun meulinteung matang
Keude kuta blang lheuh ganda pura
Bak simpang leubue ureng toet leumang
Seurta makanan laen sedia

Oeh noe keuh dile panton lon karang
Judul jih leumang buleun puasa
Beugoet neu pajoh bek sampe mumang
Bek neu toet lumang lam buloh tuha

Teurimong gaseh ulon ucapkan
Keu bandum rakan lam panton Hive account@sogata
Keu panitia yang sponsorkan
Meunan cit rakan yang ikot seureuta.