Aaj India 2 match khelne wala hai aur mujhe lagta hai aaj hum dono match jeetne waale hai. Pahla match India aur west Indies ka hai aur dusra match India aur Pakistan ka hai. Ye women ka match hai, Kal hi hum women waale match ke baare me charcha kar chuke hai. Pichle match me captain ne dhamakedaar performance diya tha.
Aaj ke match me bhi unse badi umeed hai. Sirf Indian men team hi nahi women team bhi kamaal hai aur sab ke chakke chuda rahi hai. Chalo achha hai nahi nahi bahut achha hai bahut. Aaj ke match me dekhte hai kya hota hai humari team Pakistan ko maat de paati hai ki nahi.
Indian women team ka match.
Agar ladkiyo wala match dekhna hai aap ko to aaj 8:30 me match shuru hogi. Star sports network par dekh sakte hai aap iss match ko. Hotstar me dega ki nahi dega pata nahi yaar. Agar hotstar me dega to main dekhunga. Kyo ki humare ghar me free waala DTH laga hua hai usme star sports ke koi channel nahi hai.
Main to hotstar me hi saare match dekhta hoon. TV par match dekhta hi nahi yaar, world cup dekhta hoon tv par wo bhi ghar me nahi baahar nukkad me kahi dekhta hoon. Bada maja aata hai sab ke saath dekhne me. Isliye bahar dekhne ke liye chala jaata hoon.
Abhi jo match chal rahe hai boaring hai, Agle saal ka intezaar kar raha hoon yaar aur jab world cup shuru hoga. Agle saal ke liye India puri tarah taiyaar hai aur achhe achhe khiladi bhi aa gaye hai. Bas Dhoni ko baahar hi rakhe to sahi rahega yaar kyo ki Dhoni ab buddha ho chuka hai ab sahi se khel nahi paata hai yaar. Uske badle me ek achhe batsmen ki jarurat hai aur Rishabh Pant sahi hai uski jagah par.