Bhaaiyo iss baar to humne test match me bhi aur ODI match me bhi Australia ko dhool chata di hai. Pahle test match me mast jeet hasil hui aur ab one day match bhi hum jeet gaye. Ek to 72 saal baad hum Australia ke maidaan me koi test match jeete they. Soch lijiye itne kaptaan aaye aur itne gaye lekin iss se pahle hum kabhi Australia me test match jeet nahi paaye they lekin iss baar Virat ki sena ne kamaal dikha diya.
Uske baad ab one day match bhi hum Australia se jeet gaye hai. Waise Australia se jeetna asaan nahi hota agar Smith aur Warner rahte to. Abhi wo team me nahi hai isliye jitna match jeeta hai hum jeet rahe hai wo team ke main khiladi hai aur wahi team me nahi hai isliye hum asaani se jeet rahe hai. Australia koi kamjor team nahi hai sab se majboot team Australia hi lagti hai mujhe lekin abhi 2 player khel nahi rahe hai iss wajah se unka samay kharab chal raha.
Dhoni ne achha pardarshan kiya hai.
Iss baar Dhoni full form me aaye hai pahle to wo run nahi bana paate they lekin abhi slow slow kisi tarah khel rahe hai. Dhoni ne in 3 match me 193 run banaaye hai aur sabhi match me 50 run banaaye hai. Ek match inki slow batting ki wajah se hi haar gaye they. Kal ke match me bhi ye slow batting hi kar rahe they lekin last me fir economy sahi kiya hai.
Waise Dhoni ne ye sabit kar diya hai ki wo world cup ke liye fit hai aur mujhe lagta hai Rishabh Pant ko world cup me jagah nahi milne waali hai. Iss baar bhi Dhoni hi khelenge world cup. Iss baar run maar kar usne ye sabit kar hi diya hai. Waise ye akhri saal hai iss ke baad to Dhoni retirement le hi lenge.
Dhoni ko man of the series ka bhi award mila hai. Acchi batting ki hai samjhdaari se khela hai isliye iss baar wo bach gaye hai. Iss baar Dhoni 2 match me not out huye hai aur ek baar to umpire ke galat decision ke wajah se out de diya gaya. Mujhe to decision galat hi laga tha upmire saale chor hai. Aap ko pata hai Dhoni ko 8 saal baad man of the series chuna gaya hai. Waise inka performance to dekh hi rahe ho kitna kharab tha lekin iss baar achha performance kiya hai bande ne.
Kedar Jadhav ne bhi achha khela.
Kal ke match me Kedar ka performance bhi achha tha. 57 ball par 61 run banaaye hai iss ne aur sab se achha strike rate bhi isi ka raha. Kal Virat Kohli nahi chal paaye lekin Kedar ne achha kaam kiya hai. Waise Dhoni isliye achha run bana raha hai kyo ki wo shuru me slow slow khelta hai aur dusre player ko run banaane deta hai.
Khud slow khelta hai aur match khatam hone wala rahta hai to maarna shuru karta hai out hua to gaya aur out nahi hua to strike rate achha kar leta hai. Khair sab se badi baat to ye hai ki hum match jeet gaye aur hume kya chahye. Bas itna me hi khush rahna hai ab dekhte hai next match jo New Zealand ke saath hai usme khiladiyo ka performance kaisa rahta hai.