Perle keu Rakyat Wate Pemilu,
Perle Keu Teungku Wate mate Ma,
Ban Ka Seuleusoe Hajat Nafsu,
Ule Ngon Iku Ka Sama Raya,
Caleg Caleg Ka toe Kampanye,
Kajeut Mita jue Juru bicara,
Culok Agama jeut Bagah Laku,
Mita Jue Teungku Boeh Keu Ketua,
Peugah Ju Janji Kiban yang Mau,
Peugah ju Dumpeu Jeud Na Suara,
Peugah Bantuan Beu Cot cot iku,
Nyoe perle Ba Buku Tuleh Peu hawa,
Suboh Ngon meugreb Beu lam Meunasah,
Koko ngon Piyah Sabe Beu Ek Na,
Mantong Na Wate Untuk Peu leumah,
Bak Masyarakat Luah Gampong Ngon kota,
Mangat Ditupeu GEUTANYOE Gagah,
Seumangat Leupah Nyoe Bak Agama,
Peu Lom Jameun Nyoe Cukop That Mudah,
Tinggai Ta Olah Kunci jih Kana,
Ban Lheuh Pemilu Baroe Glah Langkah,
Tinggai Tapeupah Atoe Agenda,
Kajeut Tabileung Celeng Yang beukah,
Padum Boh Kulah Bue Yang Taba,
Peusan CHIKTU Hai Rakan meutuah,
2019 LIGA DUNIA,
BEK SEULEBRASI MELEWAT BATAH,
PEU LOM TA PLAH GLAH DIATEUH MEJA,
SEULEBRASI Penonton Memang tan salah,
Meunan Han Leumah Fans Setia,
Yang CHIKTU Pesan bek Sampe meulupah,
Sebab Hadiah PEMAIN YANG RASA,
GEUTANYOE PENONTON PEU JEUD TARAMAH,
NA DIJOEK HADIAH UJOENG CERITA,
KECUALI PENONTON YANG NA BED MERAH,
MEU BACUT HADIAH DITUME rasa,
Meunyoe GEUTANYOE luwa lapangan,
Kupeu Hai Rakan SEULEBRASI Raya,
Peu Na faedah Lheuh TALAKUKAN,
MUDAH MUDAHAN TA TUHOE MAKNA.