Magandang Buhay mga Kababayan!

Dahil aming napapansin na maraming mga likhang Filipino sa Steemit ang hindi nabibigyan ng karampatang eksposyur, kami sa @Steemph.antipolo ay nagkaisa na bigyan sila ng pagkakataong makilala pa sa pamamagitan ng pagtampok sa mga likhang Filipino sa akawnt na ito.

Narito ang mga akdang aming napili para itampok sa araw na ito...

Unang akda na napili mula kay @joninacalara

Ito ay orihinal na gawang tula Ni Hive account@joninacalara. Nais lamang niya sanang mangamusta sa kaniyang dating mahal. Nabanggit niya rin dito ang ilang mga ala-ala na kanilang pinagsaluhan noong sila ay magkasama pa. Pero pinagpasalamat pa rin niya sa Diyos ang mga natatamasa sa buhay ng kaniyang dating minamahal.

Ikalawang akda na napili mula kay @nantzjbalayo

https://steemitimages.com/0x0/https://ipfs.busy.org/ipfs/QmVn3vzzhhagbu77uvng1UtQ7cngEx7r2cy45nydVmt9pK

Napakasarap makita at malaman na may mga bata pa rin talagang ang pag-aaral ang pangunahin na nais ng isang Batang Musmos. Ang akdang ito Ni Hive account@nantzbalayo ay nakahahanga sa kabila ng mga kabataan ngayon na mas nais na maglaro na lamang maghapon kaysa mag-aral. Ngunit ang batang nabanggit ay lubos niyang ginagalang at sinusunod kung ano ang binilin ng kaniyang mga magulang upang ang pagsisikap ng mga ito na siya ay pagtapusin ng pag-aaral ay kaniyang makamtan at maabot ang kaniyang pangarap sa hinaharap.

Ikatlong akda na napili mula kay @xorexman

Isa ito sa Pagkaing Pinoy na paborito ng karamihan. Ang "Ginisang Munggo" Ni Hive account@xorexman. Nakalagay rito ang mga ginamit niyang sangkap at kung papaano niya iniluto ang pagkaing ito. Madalas ang ulam na ito ay niluluto sa araw ng Biyernes. Hanggang ngayon palaisipan kung bakit nga ba tuwing Biyernes ito nababagay na iluto. Napakasarap!

Paano ba maitampok sa Hive account@likhang-filipino

Para mapabilang sa mga itatampok na post, narito ang ilan sa mga alituntunin na kailangang sundin :

1. Orihinal na akda lamang ang maaring isulat.
2. Mangyaring gamitin lamang po ang tag na #likhang-filipino kahit hindi ito ang unang tag (dahil kami ay nasa estado pa lang ng pagtatanim, kahit anong tag ay pwede muna sa ngayon)
3. Para sa maikling kwento, kailangang lumampas sa 300 na mga salita. Para sa tula, ang lampas tatlong saknong sa apatang linya (3stanzas of 4lines) ang mabibilang. Para sa sanaysay, tatlong talata naman pataas.
4. Orihinal na larawan ang dapat gamitin. Kung hindi naman, idetalye nang malinaw ang pinagkuhanan ng larawan.
5. Ang mga posts hanggang sa ika-apat na araw lamang ang aming pwedeng itampok. (Posts must be recent up to 4days old)
6. Kapag naitampok na po ang isang awtor, siya ay sasailalim sa isang linggong cooldown period upang mabigyang daan ang iba pang manunulat na maitampok naman sa nasabing akawnt.
7. Ang ating mga hunters ay mas magpopokus sa mensahe ng blog kaysa sa wastong gramatika gamit ng akda. Samakatuwid, kahit ang gramatika ay may mali, may pagkakataon pa rin po itong maitampok.

Ano pa ang hinihintay ninyo?! Tara na at magsulat sa wikang Filipino!