Kami ay lubos na nagagalak dahil sa pinakitang dedikasyon ng mga Pilipinong sumali sa amiing unang patimpalak tungkol sa paggawa ng maikling kwento na may temang trahedya. Naipakita ninyo ang inyong angking galing sa matalinghagang pagsulat at ang inyong pagkamalikhain sa temang binigay at uri ng sulatin.
Hindi man gaano karami ang nagsumite ng kanilang mga gawa, lubos parin ang aming tuwa dahil may mga Pilipinong gustong matuto ng ibang gawain at magkaroon ng ibang paraan para makuha ng biyaya sa steemit. Asahan niyong tuloy-tuloy ang aming mga proyektong gustong ipamahagi sa mga Pilipino.
Kaya ito na ang mga mapapalad na napili at mananalo ng karagpatang gantimpala
Literaturang Filipino: "Babangon At Babangon Pa Rin"
Ilang pagsubok at trahedya na nga ba ang dumating? Hindi ko na mabilang. Sa kabila ng lahat heto pa rin patuloy na nagpapakatatag at bumabangon. Pero ang pinakatumatak sa aking isipan ay ang mga pangyayari noong nagdaang bagyong Yolanda.
"Literaturang-Filipino" Paalam sa Kaibigan Kong Manunulat
Noong nakilala kita ako ay namangha
Wala kang katulad sa iyong mga akda
Ang iyong talento ay talagang kahanga-hanga
Sapagkat napabilib mo maging ang mga banyaga
Angpagtulong mo ay walang katulad
ang aking mga mali'y laging itinatama
Ang iyong pananalita ay kay hali-halina
laging ibinabahagi ang naisip na maganda
"Literaturang Filipino: Tunay na Pagmamahal"
Isang bulag na babae na puno ng hinanakit at galit sa mundo. Wala siyang gaanong madaming kaibigan dahil sa masamang pakikitungo niya sa mundo at sa buhay sapagkat ang kanyang kalagayan ay sinisisi niya dito, kung bakit sa dami rami ng tao sa planeta siya pa ang napiling maging bulag. Ngunit kahit ganon pa man, mayroon siyang nobyo na nagmamahal sa kanya ng lubos at tunay na handa siyang tanggapin sa kabila pa ng kanyang kapansanan.
Congratulations sa inyo at Maraming Salamat!
Sundan ang mga awtor na ito bilang suporta sa kanilang talentong tunay at puro.
Sa mga hindi pinalad na manalo, maraming salamat dahil naging parte kayo sa paligsahan at naipakita niyo ang angkin ninyong galing sa pagsulat ng wikang Filipino. Naway mapaunlad pa ninyo ang inyong kakayahan sa pagsulat at sumali ng sumali sa mga magaganap pang patimpalak hanggang manalo na.
Antabayanan ang aming susunod na patimpalak!