Sa Paglubog ng Araw
Nagbabagang bolang ginto’y gumugulong sa kanluran,
Dahan-dahan kung ibuyog sa maulap na hantungan;
Ang katalik na maghapon ay aayaw na paiwan,
Nakabuntot sa pag-isod mula roon sa silangan.
Kadilimang naghuhunab sa mababang panginori’y
Pasalunong sumusunson sa luhaang takipsilim;
Ang daluyong ay pataghoy kung humalik sa pampangin,
Habang doon sa tumana’y dumadalit yaong hangin.
Ang akasya sa libingan ay nagtuping mga dahon
At ang hayop na nagligaw sa pastula’y nagsiyaon;
Alaala’y tiklop-tuhod sa bisitang nasa nayon,
Samantalang ang dupikal sa simboryo’y lumulungoy.
O kaylungkot na tanawing iginuhit ng tadhana…
O kaygandang panimdiming napupuntos ng hiwaga;
Sa masining na damdami’y likhang-guro ni Bathala…
Talinhaga’t salamisim sa daigdig ng Makata!
Thank you.
Hope you like my poem
Have a nice day ahead!
Jezrael de Guzman Barcena
facebook.com
To show some appreciation to the guy called 
Let’s support him as a witness by visiting https://steemit.com/~witnesses and vote him,
type “steemgigs” at the first search box.
Or allow him to vote in your behalf visit https://steemit.com/~witnesses
type "surpassinggoogle" in the second box as a proxy.
