Pag-Ibig na Tunay: Ina para sa Anak (Tula)

(My Sister-in-law and cute nephew)

Pag-Ibig na Tunay: Ina para sa Anak

Mahal kong anak, hindi kita pababayaan.
Mula sa paggising hanggang sa pagtulog, ika'y babantayan.
Ikaw ang nagbigay, sa akin ng kalakasan.
Masaya ako, na ikay laging nasisilayan.

Di ko sukat akalain, ikaw ay ibigay.
Upang ako'y maging isang ganap na nanay.
Sa bawat ngiti mo'y, may angkin kang taglay.
Na nagbibigay ng tuwa at galak sa aking buhay.

Sa iyong paglaki, narito akong palagi
Upang ikay gabayan, sa bawat sandali
Ika'y aalagaan, upang maging mabuti.
At maging inspirasyon, sa mga nakararami.

Akoy magsisilbing, ilaw ng tahanan
Upang maging iyong tanglaw, tungo sa iyong karunungan
Akoy nasa likod mong palagi, gabay itong aking karanasan
Upang ika'y maglakbay sa magandang kinabukasan.

Alam ng Diyos, kung gaano kita kamahal
Ikaw biyaya para sa akin ng Maykapal
Ilalayo kita sa masama, wag ka lang mapahamak anak kong mahal.
Ibibigay ko sayo'y gabay at aral.

Ito ang sambit ko, para sayo aking anak
Marahil nga'y sa buhay ay sadlak
Hindi ko inisip na ikay pabayaang mawasak
Ako'y iyong gabay, kamay mo'y laging hawak.

I made this poem for them because I was inspired how the mother(my sister-in-law) took care of her one only son. Also to all mothers out there, you really deserve a big hug because of your great part and role as a mother to the children while they are in their growing stage.