MLM en anglè ki se Multi Level Marketing yo konn rele l marketing reseaux ou marketing relationel Systèm sa te pran nesans nan peyi etazini nan ane 1940 yo e li t ap al fè yon gwo monte nan ane 1950 pa sosyete AMWAY nan peyi etazini. Systèm sa te yon kado ki soti nan syèl pou anpil moun nan epòk sa, paske se te yon nouvo systèm ki te pèmèt yon kliyan fè yon ti kòb lè li fè yon lòt moun konsome pwodui antrepriz la. Men prensipal moun ki te benefisye systèm sa se te chèf antrepriz yo, paske anpil nan yo te vin gen yon kwasans enòm sou kantite kòb yo te antre apre yo te adobte systèm MLM lan.
Yon moun te kapab fè yon ti kòb lè l achte yon pwodui e lè l vann lòt moun pwodui sa yo, e si li te rive fè yon moun antre nan systèm nan, sou chak pwodui moun sa vann li t ap gen yon pousantaj sou kantite kòb moun nan te antre, e li t ap gen yon kantite kòb tou sou lòt moun moun li enskri yo enskri yo menm sou rezo pa yo a, konsa ou t ap fè yon bagay yo rele pv (point value).
Konsa si yon moun fè anviwon 150PV li kapab touche anviwon 50$ us pou mwa, e si rezo w la gen 3 moun ki fè menm kantite point avè w 150PV sa ki vin bay 600PV, konsa ou menm ki nan tèt rezo a, kapab fè 200$ us, men èske l fasil pou w ou menm ak rezo w la vann pou kantite point sa ? Pou n reponn kesyon an , ann pran yon egzanp : youn nan pi gwo antrepriz MLM ki genyen yo, gen yon pwodui si yon IBO ap achte l ap peye l 4,42$ us sou pwodui sa l ap fè 1,24 PV
Si nou pran 150pv X 4,42$ us l ap egal 663pv/$ si nou divize kantite sa pa 1,24 pv ( 663/1,24) l ape gal ak 534,68$ us, sa vle di pou yon moun fè 50$us l ap gen pou l depanse 534,68$ us e men plis paske gen kote y ap fè w achte pwodui yo pi chè pase sa, epi pou w fè kòb sa nan pwodui nou prezante a, ou dwe vann omwen 121 nan pwodui sa.
Eske fasil pou vann pwodui yo ?
Pètèt sa depann de konbyen ane ou genyen ladan l, e ki kote oswa nan ki peyi w ap viv paske pwodui antrepriz sa yo vann anpil kòb se pa tout moun ki gen aksè avè yo.
Eske ou ka fè benefis nan systèm MLM lan ?
Sa mande anpil ane travay ak anpil detèminasyon, e ou dwe depanse anpil kòb nan rankont ak seminè, paske 90% moun ki antre nan yon systèm MLM bay vag apre kèk mwa, paske yo pa janm fè okenn lajan.
Eske moun ki antre systèm MLM jwenn tout bagay yo te pwomèt yo ?
Lè yon moun ap prezante w yon antrepriz MLM, oswa lè w ale nan rankont yo konn oganize yo, yo montre w anpil bèl imaj ; tankou bèl kay, bèl machin, bèl bato, moun k ap jwi bèl vakans e yo pwomèt ou yon libète finansyè. Men pifò moun pa jwenn bagay sa yo vre malgre yo fè anpil efò, se sak fè yo vin gen yon move gou pou antrepriz MLM yo. E piske moun sa yo dètèmine pou yo reyisi lavi yo, y al antreprann lòt aktivite, tankou fè biznis ak antre systèm cryptomonnaie a, la yo jwenn anpil benefis paske y opa bezwen vann pwodui pou yo fè lajan e gen anpil moun ki arive milynè ladan l jodi a.
Eske MLM pa yon bon mwayen pou moun fè lajan jodi a ?
Repons sa se ou k ap bay li.
http://www.wellandyou.eu/aubaine/explication-mlm/
https://www.hobby-preneur.com/10-mensonges-sur-le-mlm-quon-ma-fait-croire/
www.amway.com/teyo www.amway.com