Bhaaiyo John Abraham aaj kal bahut charcha me hai aur wo iss baar apni desh bhakti type ki filmo ki wajah se charche me hai. Aap ko pata hai John Abraham filmo me jyadatar stunt khud hi karte hai. Iski wajah se wo khud ko chot bhi lagwa baithte hai. Pahle unhone 'Shootout at Wadala' me action scene khud se kiye they. Jiss ki wajah se unko chot bhi kaafi lagi thi.
Uske baad Force 2 me bhi unko kaafi chot lagi thi. Force 2 me jitne bhi stunt they John Abraham ne khud hi kiya tha sayad unka pair bhi toot gaya tha iss me ek stunt karte huye. Waise film mujhe bahut achhi lagi thi. Lekin film jyada success nahi hui thi.
John Abraham ki Parmanu film ki bhi khub saraha gaya hai. Ye film kamaal ki film thi yaar lekin afsos Indian audience ko to masala film pasand hai isliye ye film bhi chali nahi.
Lekin fir bhi iss film ne 60 crore ka business kiya tha. Iss film ko rating bhi bahut achhi mili thi lekin Indian audience ko to Race3 pasand aayi hai.
Parmanu jaisi film koi dekhta nahi hai aur fir log bolte hai ki Bollywood waale achhe filme na banate. Khair chodiye mujhe to action film bahut pasand hai aur iss baar John Abraham ki action film aa rahi hai jiss ka naam hai Satyamev Jayate. Jo isi Independence day me release hogi. Gold aur ye film dono ek hi din release honge main to pahle Satyamev Jayate dekhne jaaunga kyo ki mujhe action pasand hai.