Aaj main ek film ki review karne jaa raha hoon jisko maine aaj subah hi dekha hai. Ye ek Tamil film hai lekin maine isko hindi me dekha kyo ki ye film hindi me kal hi release hua hai. Waise ye film 2018 me hi release hui thi lekin Tamil me aur mujhe Tamil aati nahi hai isliye main Hindi me aane ka intezaar kar raha tha aur jab aayi to fir maine dekha. Mujhe ye film bahut hi achha lagi hai aur aap IMDB me rating dekh sakte ho. Iss film ki IMDB rating 7.1 hai.
Iss film me jo hero hai uska naam hai Jayam Ravi. Iski kuch filme dekhi hai maine jaise ki tik tik tik ye ek space film thi aur ye India ki sab se pahli space film thi. Waise film bekaar thi mujhe pasand nahi aayi thi.
Maine iski aur koi film nahi dekhi waise isne kayi filme banaayi hai. Mujhe ye wala film achha laga aur ye trending me bhi tha main socha chalo dekhte hai kaisa hai. Sab ka comment bhi padha sab ne bahut achhe comment kiye isliye mera bhi mann kiya ki main iss film ko dekhu.
Jo hero hai isme wo ek police wala rahta hai ek achha police wala ek dum imandar lekin aap log to jaante hi ho ki humari police kaisi hai koi imandar nahi bas riswat khaane waale. Aisa hi iss film me iske sabhi bade afsar rahte hai bas ek ye achha rahta hai aur baaki ke sab saale ghuskhor rahte hai iske saath ek aur banda rahta hai wo bhi thik hi rahte hai baaki sab bekaar ghuskhor rahte hai.
Fir kya hota hai ek ladki ka rape kar ke 4 raeesjaade usko jaan se maar dete hai aur suicide sabit kar dete hai case ko lekin hero ko pata rahta hai ye suicide nahi hai isliye wo iss ki tah tak jaane ke liye khoj bin karne lagta hai. Fir pata chalta hai ki 4 raeesjaade hai jinhone ladki ke saath rape kiya aur usko jaan se maar diya fir wo unko pakad kar jail me daal deta hai aur 15 minut ke andar hi unke baap log usko chuda lete hai.
Wo chaaro gunde jaise hi baahar nikalte hai hero ki puri parivaar ko jaan se maar dete hai. Sab ko maar dete hai bas bhatiji ko chod kar. Baaki main aap ko yahi tak story bataunga aage aap ko jaanne ke liye film dekhna padega.
Iss film ki heroine ka naam rashi khanna hai jo mujhe bahut pyaari lagti hai. Ye meri crush hai iski main lagbhag sabhi filme dekhi hai. Haal hi me iski ek romantic film aayi thi wo bhi mast thi main uska naam bhul gaya yaar. Chalo uska agli post me review karunga dhundh kar ke. Waise iss film me heroine ka koi kaam hi nahi tha bas ek gaane ko chod kar ye 5 minut ke liye hi najar aati hai. Ye chij mujhe sahi nahi lagi sala sirf isko 5 minut ke liye hi liya isko.
Khair koi nahi baaki ki film ki kahani aap ko dekhne ke baad hi pata chalegi isliye agar aap ko hindi aati hai aur koi badhiya film dekhni hai to fir iss film ko jarur dekhe.