ခေါင်းလျှော်တာလေ ခေါင်းလျှော်တာသိတယ် မဟုတ်လား။ အဟင်းဟင်း အိမ်မှာလျှော်တာ မဟုတ်ဘူးနော်။ ဆိုင်မှာလျှော်တာ။ ဆိုင်မှ ရိုးရိုးဆိုင်မဟုတ်ဘူး။ နာမည်ကြီး တကိုယ်လုံးနှိပ်ပေးတဲ့ဆိုင်မှာ လျှော်တာ။ ဈေးလား။ မေးမနေနဲ့။ နာမည်ကြီးလေ သိတယ်မဟုတ်လား။ ကိုယ်တွေကို အထည်ကြီးသမားတွေပဲ သွားနိုင်တဲ့ဆိုင်ဆိုတော့ လာတဲ့လူတွေကလည်း အိုးးး ပျိုးပျိုးလက်လက်တွေပေါ့လေ။ အထည်ကြီးမှ တကယ့်အထည်ကြီးတွေ။ ခေါင်းလျှော်တယ်ဆိုတာထက် ဇိမ်ခံအပန်းဖြေတယ်ဆို ပိုမှန်မလားပဲ။ ကိုယ်တွေက သိပ်ပင်ပန်းလာတဲ့အခါ အဲ့လိုပဲ ငွေတွေကို ဟောသလို ဟောသလို ရွှမ်းကနဲရွှမ်းကနဲသုံးလိုက်ရမှ နေသာထိုင်သာရှိတာရယ်။ အခုလည်း စိတ်ကလေးကပင်ပန်းလာတော့ ခေါင်းလျှော်ရည်ဆိုင်မှာ အနှိပ်ခံရင်း ဇိမ်ခံရင်းပေါ့လေ။ စိတ်ညစ်စရာလား။ သိပ်ထွေထွေထူးထူးတော့မဟုတ်ပါဘူး။ အမေရိကန်ဒေါ်လာ ကိုးသောင်းနဲ့ ဆိုင်ထားတဲ့အိမ်လေးတလုံးကို တခြားသူကဦးပြီးဝယ်သွားလို့လေ။ ကိုယ်တွေပေးတဲ့ဈေးထက် ပိုပေးပြီးဝယ်သွားတာတဲ့။ အဲ့ဒါသိလား။ အဲ့ဒါကိုမခံချင်တာ။ ကြည့်စမ်း ကိုယ်တွေကို ကျောသွားတာ။ ကိုယ့်မှာ အမေရိကန်ဒေါ်လာ ကိုးသောင်းလောက်နဲ့များ အကျောခံလိုက်ရတာ။ ဒါ အကြောကြီးတာလို့ခေါ်တယ်။ ကိုယ့်မှာ မခံချင်ရုံအပြင် ဘာမှလုပ်လို့မရဘူး။ တနုံ့နုံ့နဲ့ ဒေါသတွေအလိပ်လိုက် အလိပ်လိုက်ထွက်တာဆိုတာ မပြောပါနဲ့တော့။ အဲ့တော့ အပန်းဖြေဖို့လိုလာရော။ ဟိုတယ်တွေမှာ စားတာသောက်တာနဲ့လည်း စိတ်ကမပြေဘူး။ စိတ်ကြည်အောင် အနှိပ်ခံခေါင်းလျှော်မှကိုဖြစ်မှာ။ အဲ့သလိုအကြောင်းပြချက်တွေဟာ တပတ်ကိုတရက်အနည်းဆုံးရှိတော့ ခေါင်းလျှော်ဆိုင်ကိုတပတ်တခါ အနည်းဆုံးလာရတယ်။
ကဲ ကဲ။ ဟိုကလေးမ ။ ကိုယ်လျှော်နေကျကောင်မလေးဘယ်မှာလဲ သူနဲ့ပဲလျှော်မယ်နော်။ နှိပ်တာကတော့ ကြိုက်တဲ့လူနှိပ်။ အဟင်းဟင်း။ ဒီဆိုင်က လျှော်တဲ့လူကသပ်သပ် နှိပ်တဲ့လူကသပ်သပ်။ ကိုယ်တို့ကငွေပေါတော့ ကလေးမလေးတွေကိုမုန့်ဖိုးလည်းပေးသေးတယ်လေ။ အဲ့တော့ကိုယ်လာပြီဆိုရင်ကို အလုအယက်တွေနှိပ်ကြတော့တာပဲ။ အဲ့မှာတခါ စိတ်ရှုပ်ရတာက လက်ကောက်တွေနားကပ်တွေပဲ။ ပတ္တမြားစိန်နားကွပ်နားကပ်ကြီးကို မထိပဲ ခေါင်းလျှော်လို့ရပေမယ့် နှိပ်တဲ့အခါ လက်နှစ်ဖက်စလုံးအပြည့်ဝတ်ထားတဲ့ လက်ကောက်တွေကို မထိဘဲနှိပ်လို့မရဘူးလေ။ အင်းးး အဲ့တော့ တဖက်ကို အကွင်းနှစ်ဆယ်စီဝတ်ထားတဲ့ ဆယ့်ငါးပဲရည်လက်ကောက်တွေကိုချွတ်ရရော။ အမလေးးး လွယ်တယ်ထင်လို့လား။ လက်ပေါ်ကိုနှိပ်ရင် ဒီလက်ကောက်တွေနဲ့ ဘယ်လိုနှိပ်မလဲ။ အဲ့ဒါကြောင့်ချွတ်ရတာ။ လက်နှစ်ဖက်ဆိုတော့ လက်ကောက်အကွင်းလေးဆယ်။ ကိုယ့်မှာလေ အနှိပ်ခံချင် ဇိမ်ခံချင်လွန်းလို့သာလာရတာ။ လက်ကောက်ချွတ်ရတဲ့ဒုက္ခက မသေးဘူး။ ကိုယ်များလက်ကောက်ချွတ်နေချိန်ဆို ဆိုင်ကကောင်မလေးတွေက မျက်လုံးတလက်လက် မျက်တောင်တဖျက်ဖျက်နဲ့ ဟယ် အမရယ် လက်ကောက်တွေက အများကြီးပဲနော်။ လှလိုက်တာဆိုပြီး တမက်တမောကိုပြောကြတာ။ အမလေးး ကိုယ့်မှာနေမထိထိုင်မသာပေါ့လေ။ သူတို့က အဲ့လောက်ရွှေတွေအများကြီးဘယ်မြင်ဖူးလိမ့်မတုန်း။ အဟင်းဟင်း ဒါတောင် အိမ်မှာသိမ်းထားတဲ့ လက်ကောက်အကွင်းလေးတယ်အကြောင်းပြောမထားသေးဘူး။ အိမ်ကယာတွေက ပွဲတက်အတွက်ဆိုတော့ ရှယ်မှရှယ်တွေချည်းပဲလေ။
-နောက်ပြီးရှိသေးတယ်။ ဆွဲကြိုး ။ ရွှေငါးကျပ်သားဆွဲကြိုးမှာ စိန်နဲ့ပတ္တမြားကွပ်ထားတဲ့လော့ကတ်က ရှောက်သီးအသေးတလုံးစာအရွယ်လောက်ရှိတော့ ခေါင်းလျှော်ဖို့ လှဲလိုက်ရင် အဲ့ဒီ့ဆွဲကြိုးက လည်ပင်းကိုဆွဲညှစ်သလိုဖြစ်ရော။ အဲ့တော့ အဲ့ဒါကိုလည်း ချွတ်ရတယ်။ အံမယ် လွယ်တယ်မအောင့်မေ့နဲ့။ ခေါင်းကနေ ဆွဲချွတ်လို့ရတာမဟုတ်ဘူး။ ကြိုးက တိုတိုတုတ်တုတ်ဆိုတော့ ချိတ်ကနေချွတ်ရတာ။ ချွတ်ထားပြီးသားရွှေတွေကို ကျွတ်ကျွတ်အိတ် ၆/၁၄အိတ်နဲ့ အပြည့်ထည့်ပြီးချည်ထားရတယ်။ ခက်ခဲလိုက်ပါဘိ။ အဲ့လိုအကုန်ချွတ်လို့ပြီးသွားတော့မှ လှဲရတယ်။ အင်းးးး လှဲလိုက်ပြီဆိုတာနဲ့ မျက်လုံးလေးမှိတ်ပြီး ဇိမ်ယူမလို့ရှိသေး။ အောင်မလေးးးးလေးးး နာလိုက်တာ။ ဟဲ့ညီမ ။ ငါ့လက်ဆစ်တွေကိုနှိပ်တာ လက်စွပ်တွေနဲ့ဆိုတော့ နာတာပေါ့ဟဲ့။ နေနေ ငါချွတ်လိုက်အုံးမယ်။ စိန်ခုနှစ်တန်းလက်စွပ်နှစ်ကွင်းနဲ့ စိန်ပတ္တမြားလက်စွပ်နှစ်ကွင်းကိုအမြန်ချွတ်ရတယ်။ အမလေးးဟဲ့။ ငါ့နှယ် ခေါင်းတခါလျှော်ရတာ ရွှေတွေချွတ်ရတာနဲ့ကို အချိန်တွေကုန်တာဆိုတာ။ မလွယ်ပါဘူး။ အော် မေ့တော့မလို့။ လက်နှစ်ဖက်က လက်စွပ်တွေချွတ်ပြီးရင် ခြေချင်းပါတခါတည်းဖြုတ်ထားလိုက်မယ်။ ပိုပိုလိုလိုပေါ့လေ။ ခြေချင်းဆိုတာ ဟို ဘယ်လိုခေါ်မလဲ ဖွတ်ချိန်းပေါ့လေ ဖွတ်ချိန်း။ အဲ့ဟာကျတော့ ရွှေထူရင်မလှဘူးဆိုတော့ စိန်ပွင့်လေးတွေပဲတန်းစီပြီး လုပ်ထားရတာ။ ဟိုဘက်ဒီဘက်နှစ်ကြိး။ ကဲ ကဲ။ ၆/၁၄အိတ်နောက်တလုံးထုတ်။ လက်စွပ်တွေ ခြေချင်းတွေထည့်။ ရပြီ။ အိုကေပြီ။ အဲ့ဒါဆို ခေါင်းလျှော်လို့ရပြီ။ ဇိမ်ခံလို့ရပြီ။ ဟူးးး ပင်ပန်းလိုက်တာဟယ်။
တွေ့တယ်မဟုတ်လား။ ကိုယ့်ဒုက္ခကဘယ်လောက်ကြီးလဲဆိုတာ။ အိမ်နေရင်းဝတ်တဲ့ရွှေတွေဆိုတော့လည်း ခေါင်းလျှော်တိုင်း ချွတ်ချွတ်လာဖို့ သတိမရဘူးလေ။ ကဲ အခုမှပဲ စိတ်ချလက်ချ ဇိမ်ခံလို့ရတော့တယ်။ ဟူးး မောလိုက်တာဆိုတာ။ ကိုယ့်လို စိတ်ပင်ပန်းတဲ့လူက အပန်းဖြေချင်ရင်တောင် ဘယ်လောက်စိတ်ဒုက္ခခံရလဲဆိုတာ သိပြီမဟုတ်လား။ ဒါတွေက ကိုယ်ချင်းစာတတ်ဖို့လွယ်တာမဟုတ်ဘူး။ အဟင်းဟင်းးး ဝတ်ဖူးစားဖူးတဲ့လူမှ နားလည်နိုင်တာမျိုးမဟုတ်လား။ ဝတ်ဖူးစားဖူးတဲ့လူမှ ………………။
စုမွန်သွယ်
MSU - 57
Photo credit- https://www.pinterest.com/pin/299841287682431842/?lp=true
