ဒီနေ့တော့ ကျွန်မရဲ့ကိုယ်တိုင်ကြုံတွေ့ရတဲ့ ဟာသလေးတစ်ခုပြောပြချင်ပါတယ်။မထင်မှတ်ထားတဲ့ အလွဲလေးပါ။ကျွန်မမောင်လေးရဲ့ အလွဲလို့ပြောရင် ပိုမှန်ပါတယ်။ ကျွန်မဒီနေ့မုန့်တီအရမ်းသောက်ချင်နေတာပေါ့ရှင်။ကိုယ်တိုင်လည်းသွားမဝယ်ချင်ဘူးလေ။ဘယ်သူ့ကိုလူကြုံမှာရမလဲ စောင့်နေတာပေါ့။ကံဆိုးတာကတော့ ကျွန်မမောင်လေးပေါ့နော်။သူကလည်း သူ့အတွက်မုန့်သွားဝယ်ဖို့ ထွက်လာချိန်မှာ ကျွန်မကမုန့်တီပါဝယ်လာဖို့ မှာလိုက်ပါတယ်။သူကလည်း ကျွန်မသောက်တဲ့ မုန့်တီပဲသောက်တော့မယ်ဆိုပြီး နှစ်ပွဲဝယ်လာမယ်လို့ ကျွန်မကိုပြောခဲ့ပါတယ်။ဒါနဲ့ကျွန်မလည်း စက်ဘီးနဲ့မြန်မြန်သွားဆိုပြီး လွှတ်လိုက်ပါတယ်။ အချိန်တော်တော်ကြာထိ ပြန်မလာသေးပါဘူး။ကျွန်မလည်း စိတ်ထဲဇဝေဇဝါဖြစ်ပြီး အိမ်ရှေ့ထွက်မျှော်မိပါတယ်။တော်တော်ကြာမှ စက်ဘီးကိုအသားကုန်နင်းပြီး ပြန်လာပါတယ်။ကျွန်မလည်း ရောက်ရောက်ချင်းပဲ ဘာလို့ကြာနေတာလဲ ဘာညာဆိုပြီး အမပါဝါတော့ နည်းနည်းပြလိုက်ပါသေးတယ်။မောင်လေးကလည်း ဆိုင်မှာလူများလို့စောင့်နေတာဆိုလို့ နည်းနည်းလျှော့လိုက်ရတယ်။မလျှော့လို့လည်း မရဘူးလေ။မုန့်ကသူ့လက်ထဲမှာ မပေးဘူးဆိုရင် ဘယ်လိုလုပ်မလဲ။ အဲ့ချိန်မှာပြသနာကစပါပြီ။ကျွန်မမောင်လေးရဲ့လက်ထဲမှာ မုန့်ဖတ်ကနှစ်ထုပ် ဟင်းရည်ကတစ်ထုပ်တည်း။ဒါနဲ့ကျွန်မလည်း ဟင်းရည်တစ်ထုပ်က စက်ဘီးစီးရင်း မှောက်တယ်ထင်ပြီး ဆူတော့တာပေါ့။မောင်လေးကလည်း စက်ဘီးမမှောက်ကြောင်း ဝယ်ထဲက ဟင်းရည်ကတစ်ထုပ်ပဲဖြစ်ကြာင်း သေချာရှင်းပြပါတယ်။ကျွန်မလည်း နောက်ဆုံးနားမလည်နိုင်တော့ မုန့်တီဆိုင်ကိုလိုက်သွားပါတယ်။
အဲ့တော့မှ အကြောင်းစုံသိရပါတယ်။မုန့်တီရောင်းတဲ့ အန်တီကဟင်းရည်နှစ်ထုပ်ပေးတာပါတဲ့။ပထမတစ်ထုပ်ကိုလှမ်းပေးပြီး ဒုတိယထုပ်ကိုထည့်နေချိန်မှာ ကျွန်မမောင်လေးက တစ်ထုပ်တည်းဆိုလောက်ပြီဆိုပြီး မယူဘဲစက်ဘီးနင်းပြီးထွက်သွားတာတဲ့။ကျွန်မလည်းအိမ်ရောက်လို့ ဘာလို့အဲ့လိုလုပ်လဲမေးတော့မှ"မုန့်ဖတ်ကိုသပ်သပ်စားပြီး ဟင်းရည်ကိုသောက်ရမယ်ထင်လို့ တစ်ပွဲစာဟင်းရည်ဆို လောက်ပြီထင်လို့ပါ"တဲ့။
ကောင်းကြသလားရှင် မုန့်တီကိုအရည်သပ်သပ် အဖတ်သပ်သပ်စားရတယ်ဆိုတာ တစ်ခါမှမကြားဖူးဘူး။သူပြောမှ သိပါတော့တယ်။ငိုရအခက် ရယ်ရအခက်ပါလားပါနော်။
Steemitမိသားစုဝင်များအားလုံးကို ကျေးဇူးအထူးတင်လျက်။
Steemit မိသားစုဝင်များအားလုံးစိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံပါစေ။
Give my love to you all Steemians.
written by :
MSU NO-003
#myanmar
#msu
