လောင်းရိပ်
လောင်းရိပ် ဆိုတာ သူ့နေရာနဲ့သူ အမျိုးမျိုးရှိကြပါတယ်။ အပင်ငယ်တစ်ပင်ဟာ အဲဒီအရိပ်ထဲက ရုန်းထွက်နိုင်မှ ရှင်သန်ကြီးထွားနိုင်ပါတယ်။ လောင်းရိပ်မိတဲ့အပင်ဟာ ရှင်သန်နေရသော်လည်း မကြီးထွားနိုင်ပါဘူး။ ကျွန်တော်တို့ငယ်စဉ်မှာ မိဘတွေရှိတယ်၊ ဆွေမျိုးသားချင်းညီအကို မောင်နှမ၊ ပတ်ဝန်းကျင်ရှိတယ်၊ အလုပ်အကိုင်တွေရှိတယ် ဒါတွေအားလုံးဟာ ကျွန်တော်တို့ကို အဖက်ဖက်က သူ့နေရာနဲ့သူ ပြုစုပျိုးထောင်ပေးလာခဲ့လို့ ကျွန်တော်တို့မှာ အသိဥာဏ်၊ ဗီဇ၊ အကျင့်ကောင်းလေးတွေ တဖြည်းဖြည်းသိမြင်လာပြီး လူလားမြောက်ခဲ့ကြရတာဆိုရင် မှားမယ်မထင်ပါဘူး။ လူရယ်လို့ဖြစ်လာတာနဲ့ သမိုင်းပေးတာဝန်အရ ထမ်းဆောင်ရမှာသည် အချိန်တန်ရင် အိမ်ထောင်ပြုရမယ် သားသမီးမွေးရမယ် ဒါဟာ သတ္တဗေဒစနစ်အရ ပုံမှန်ပြုလုပ်နေကျအရာတွေပါ။ ကျွန်တ်ာတို့ကို ကျွန်တော်တို့ အုပ်ထိန်းသူတွေက ပြုစုပျိုးထောင်ပေးလို့ ကျွန်တော်လို့ ကြီးပြင်းလာရသလို ကျွန်တော်တို့ကလည်း တစ်ချိန်မှာ မိဘဆိုတဲ့နေရာကနေ မျိုးဆက်သစ်တွေကို ပြုစုပျိုးထောင်ပေးရမယ်ဆိုတဲ့ တာဝန်လည်းရှိသေးတာကို သတိပြုရပါမယ်။ ဘယ်သူပဲဖြစ်ဖြစ်အချိန်တန်ရင် ဒါတွေဟာ ကြုံတွေ့ရမယ့်အရာတွေပါ။ အဲဒီတော့ တစ်ခါတစ်လေမှာ ကိုယ့်ရဲ့အတ္တတစ်ခု၊ စိုးရိမ်စိတ်တစ်ခုကြောင့် ကိုယ့်ရဲ့မျိုးဆက်ကို လောင်းရိပ်ဖြစ်နိုင်စေတာကို သတိပြုရပါမယ်။
ကျွန်တော်ရန်ကုန်မှာတုန်းက သူငယ်ချင်းတစ်ယောက်ရှိတယ်ဗျ အားလုံးက သူ့ကို Gay လို့သတ်မှတ်ထားကြတယ်။ သူက နေပုံထိုင်ပုံကလည်း အတော်လေးနွဲ့တယ် ပေါင်းရင်လည်း မိန်းကလေးတွေနဲ့ ပဲပေါင်းတယ်။ ဘာကြောင့်လဲ တဖြည်းဖြည်းရင်းနှီးလာမှ သူ့အကြောင်းကိုပြောပြတယ်။ သူငယ်ငယ်ကကြီးပြင်းခဲ့တဲ့ပတ်ဝန်းကျင်အကြောင်းပေါ့ ။ သူ့မှာ အမတွေရှိတယ် ကလေးသဘာဝ ဆော့ရင်တောင် ထမင်းချက်တိုင်း၊ ဟင်းချက်တိုင်း မိန်းကလေးတွေနဲ့ပဲ ဆော့ခဲ့ရတယ်။ ပြီးတော့ သူ့အိမ်က ကလေးသဘာဝ ဘောလုံးကန်တာ၊ ဂျင်ပေါက်တာ၊ တာယာဂွေလိမ့်တာ အဲဒါတွေမဆော့ခိုင်းဘူး သားသမီးကို တစ်ခုခု ခိုက်မိမှာစိုးလို့တဲ့။ အပြင်သွားမယ်ဆိုရင် သူ့အမေက သူ့ကို မိတ်ကပ်အမြဲတမ်းလိမ်းပေးတဲ့အကျင့်လေးလုပ်ပေးတယ် ။ အဲဒါကိုပဲ သူက အရမ်းသဘောကျခဲ့တယ်။ သူ့ရဲ့ မသိစိတ်မှာ အိမ်ကနေ အပြင်သွားရင် မိတ်ကပ်လိမ်းရမယ်ဆိုတဲ့စိတ်ကြီး စွဲသွားတာ ဘယ်သူမှသတိမထားမိခဲ့ကြဘူး။ အကျင့်ကနေ အစွဲအလန်းဖြစ်လာတော့ သူ့ကိုသူ Gay ဖြစ်လို့ဖြစ်မှန်း မသိဖြစ်ခဲ့ရပြီ။ အရွယ်ရောက်လာတဲ့အချိန်မှာ သူငယ်ချင်းတွေနဲ့ သောက်စားတာတွေ၊ လဘက်ရည်ဆိုင်ထိုင်တာမျိုးတွေ ဖြစ်လာမှာစိုးလို့ သူငယ်ချင်းအိမ်တွေသွားလည်တာ၊ သူငယ်ချင်းကို အိမ်ခေါ်တာ၊ အထူးသဖြင့် ကစားဖော်ယောင်္ကျားလေးတွေနဲ့ ပေါင်းတာကိုတားမြစ်တယ် အဲဒီအစား ဘာလုပ်ခွင့်ရလဲဆိုတော့ ကိုးရီးယားကားတွေ စီးရီးလိုက်ဝယ်ပြီး အိမ်မှာကြည့်စေတယ်။ အခုတော့ K POP ပရိတ်သတ်တစ်ယောက်အဖြစ် ရူးသွပ်စွာနေတယ်။ သူရသမျှပိုက်ဆံအားလုံးဟာ K POP သီချင်း၊ ဇတ်ကား၊ မိတ်ကပ်ဖိုး၊ K POP ရှိုးပွဲလက်မှတ်ဖိုး အတွက်ပဲ အကုန်ကျခံတော့တယ်။ တစ်ခါတစ်ခါ အမျိုးသမီးအ၀တ်အစားတွေဝတ်လို့ မှန်ရှေ့မှာ အလှတွေပြင်ရင်းနေလေ့ရှိတယ်လို့လည်း သိခဲ့ရတယ်။
အဲဒီတော့ ကျွန်တော်တို့အလှည့်ရောက်လို့ မျိုးဆက်တွေကို ပြုစုပျိုးထောင်ပေးတဲ့နေရာမှာ ကျွန်တော်တို့က နေပူမှာစိုးလို့ အပေါ်ကနေ အရိပ်မိုးပေးလိုက်တယ် အဲဒီအရိပ်ကြီးက တစ်သက်လုံးပါသွားတာမျိုး မဖြစ်အောင် သတိပြုရပါမယ်။ တစ်ခါတစ်လေ ကိုယ်က ကောင်းစေချင်တဲ့စိတ်နဲ့ တားမြတ်တဲ့တစ်ချို့အရာတွေဟာ သားသမီးတွေအတွက် တစ်ချိန်မှာ လောင်းရိပ်ဆိုတာ ဖြစ်သွားနိုင်တယ်ဆိုတာကို သတိပြုရပါမယ်။ စည်းကမ်းရှိစေတာ ကောင်းပါတယ် ဒါပေမယ့် သူ့နေရာနဲ့သူ လွတ်လပ်ခွင့်ပေးရပါမယ် မလိုအပ်ပဲ တင်းကြပ်တာတွေလုပ်ရင် လောင်းရိပ်အောက်မှာ ညှိုးငယ်စွာနဲ့ရှင်သန်နေရပါလိမ့်မယ်။
ဒါဟာ ကျွန်တော်ထောက်ပြတဲ့ Message ကနည်းနည်းလေးပါ တစ်ချို့သော လောင်းရိပ်တွေလည်းအများကြီးရှိပါသေးတယ်။ အားလုံးကိုကျေးဇူးအထူးတင်ရှိပါတယ်ခင်ဗျာ။
Author by
MSC_203
