Coronavirus က အပူချိန် မြင့်မားရင် ပျက်ဆီးပြိုကွဲ သွားနိုင်သလား။ ဒီအောက်က bbc ဆောင်းပါးကို
https://www.bbc.com/future/article/20200323-coronavirus-will-hot-weather-kill-covid-19
ဖတ်ကြည့်ပြီး ကျွန်တော်ရဲ့ ကိုယ်ပိုင် ယူဆချက်ကတော့ coronavirus က အပူချိန်ကိုတော့
တစ်နည်းနည်းနဲ့ ကြောက်တယ်လို့ ထင်မိပါတယ်။ ဖြစ်ပွားမှုနှုန်း များတဲ့ နိုင်ငံတွေကို ကြည့်မယ်ဆိုရင်
အေးတဲ့နိုင်ငံတွေ များပါတယ်။ အပူပိုင်းဒေသမှာ ဖြစ်တဲ့နိုင်ငံတွေကို ကြည့်မယ်ဆိုရင် စင်ကာပူ ထိုင်းတို့ကို
တွေ့ရပါတယ်။ ဒီနိုင်ငံတွေကလည်း ဥရောပနိုင်ငံသားတွေ လေကြောင်းနဲ့ အများအပြား ဝင်ထွက်နေတဲ့ နိုင်ငံတွေပါ။
ပြီးတော့ အခုဆိုရင် ဒီနိုင်ငံတွေက သေဆုံးနှုန်း ကူးစက်နှုန်းလည်း ရပ်တန့်နေတာ တွေရမှာပါ။ လေကြောင်း
အဝင်အထွက်တွေ ပိတ်လိုက်ပြီးတာနဲ့ ကူးစက်နှုန်းက ရပ်သွားပါတယ်။ ကျွန်တော်က သိပ္ပံပညာရှင် မဟုတ်သလို
ဆရာဝန်လည်း မဟုတ်ပါ။ ကျွန်တော် ယုံကြည်မိတာကို မျှဝေခြင်းသာ ဖြစ်ပါတယ်။ လိုက်ယုံရမယ်လို့ ဆိုလိုခြင်း
မဟုတ်ပါ။ ပြီးတော့ ဆောင်းပါးထဲက အတိုင်းဆိုရင် တခြား coronavirus အမျိုးအစားတွေဖြစ်တဲ့ sars တို့
Mers တို့ကလည်း အပူချိန် ၂၁ ဒီဂရီကနေ ၂၅ ဒီဂရီ အကြားမှာဆို မျက်နှာပြင်တွေပေါ်မှာ ၃ ရက်လောက်
နေနိုင်တယ်။ အပူချိန် ၄ ဒီဂရီမှာဆို ၂၈ ရက်အထိ နေနိုင်တယ်လို့ ရေးသားထားပါတယ်။ ဒီလိုဆို မြန်မာနိုင်ငံက
အပူချိန် ၂၁ ဒီဂရီဆိုတာ ဆောင်းတွင်းဆိုရင် ညဘက်လောက်မှာ ရှိတဲ့ အပူချိန်ပါ။ မြန်မာနိုင်ငံမှာ အေးတဲ့ နေရာတွေ
ရှိပါတယ်။ ဒါပေမဲ့ ဒီမြို့တွေက နိုင်ငံတကာ လေဆိပ် မရှိသလို နိုင်ငံခြားသား အဝင်အထွက်လည်း သိပ်မရှိပါဘူး။
အညာဒေသလို ရန်ကုန်လို နွေရာသီမျိုးဆို Coronavirus က ကျွန်တော်အထင် လေးငါးနာရီထက် မနေနိုင်လောက်ဘူး။
ကူးစက်ပုံက ကူးစက်ခံထားရသူ ထိတွေ့တဲ့ တံခါးလက်ကိုင်တွေ မျက်နှာပြင်တွေကို ထိတွေ့တဲ့ လက်နဲ့ နှာခေါင်း ပါးစပ်ကို
ထိတွေ့မိလို့ပါ။ မြန်မာနိုင်ငံက အပူချိန်မျိုးဆို မကူးဘူး မပြောပါဘူး အေးတဲ့နိုင်ငံတွေလောက်တော့ ကူးစက်နှုန်း
မများနိုင်ဘူး ပိုးက နောက်တစ်ယောက်မထိတွေ့ခင် မျက်နှာပြင်ပေါ်မှာ အရည်ပျော်သွားနိုင်တယ်။ coronavirus က
ဆောင်းပါးထဲမှာ ရေးသားချက်အရ protein ခဲလေးကို အဆီလွှာနဲ့ ဖုံးအုပ်ကာကွယ်ထားတာတဲ့ ဒီတော့
ဒီအဆီလွှာက အပူချိန်တို့ တိုက်ရိုက်နေရောင်တို့နဲ့ ထိတွေ့ရင် အရည်ပျော်သွားမယ်။ ဒါဆို ဒီ protein ခဲလည်း
ပျက်ဆီးသွားပါပြီ သူတို့နိုင်ငံက ဆောင်းတွင်းဆို နေရောင်လုံးဝ မရဘဲ ဆီးနှင်းတွေ ကျနေတာဆိုတော့
ဒီကောင်က မြန်မာနိုင်ငံမှာ တစ်ရက် အသက်ရှင်နိုင်ရင် သူတို့ဆီက ဆောင်းပါးထဲက ပြောသလိုဆို ၄ ဒီဂရီ မှာ
၂၈ ရက်တောင် မပျက်ဆီးဘဲ မျက်နှာပြင်ပေါ်မှာ ရှင်သန်မှာပါ။ ဒီတော့ ကူးစက်နှုန်းက မတရားပေါ့ ကျွန်တော်အထင်
ပြောရရင် facebook ပေါ်မှာ ပြောနေကြသလို မြန်မာနိုင်ငံက ကျန်းမာရေး စောင့်ရှောက်မှု မကောင်းလို့
ဖြစ်လာရင် ကူးစက်မှုနှုန်းမှာ အမေရိကားအောက် ဒုတိယချိတ်မယ်ဆိုတာ တမင်ရည်ရွယ် လုပ်တောင်
မဖြစ်နိုင်ပါဘူး။ အခု ဖြစ်နေတဲ့ လူ ၂၂ ယောက်ကလည်း နိုင်ငံခြားက ပြန်လာသူတွေ နိုင်ငံခြားသားတွေနဲ့
ထိတွေ့နေရသူတွေချည်းပါပဲ။ ဒါကိုကြည့်ပြီး ကျွန်တော်ကတော့ coronavirus ကို အရင်ကလောက်
မကြောက်တော့ဘူး။ ဒီဆောင်းပါးကို ဖတ်ပြီးမှပါ။ အစကတော့ အတော်ကြောက်ခဲ့ပါတယ်။ ကာကွယ်မှုကတော့
လုပ်ရမှာပေါ့။ ကူးသွားပြီးရင်တော့ အပူချိန်လည်း မကယ်နိုင်ဘူး။ သူက အဆုတ်ထဲမှာ အိမ်လို အကာအကွယ်နဲ့
လူကို ဒုက္ခပေးမှာဆိုတော့လေ။ ဒါပါပဲဗျာ ကျွန်တော် ထင်တာ ရေးတာပါ။ မှန်မယ်လို့တော့ တပ်အပ်မသိပါ။