ဒီကနေ့တော့ Wifi bill အတွက် ကျွန်တော် Hive ရောင်းကာ ပေးဆောင်ခဲ့သည်။ တကယ်တော့ Hive စျေးကျနေသဖြင့် ကျွန်တော် မရောင်းချင်ခဲ့ပေ။ ဒါပေမဲ့ ကျွန်တော်ဟာ လက်ရှိမှာ နိုင်ငံရေးအခြေနေနှင့် လစာ နည်းပါးခြင်းကြောင့် ဝန်ထမ်းအလုပ်ကို မလုပ်ပဲ Online earning ဖြစ်တဲ့ Hive Platform မှာအဓိက ဝင်ငွေအနည်းငယ်ရရှိအောင် ကြိုးစားနေခြင်းဖြစ်သည်။
ပုံမှန်ဆိုရင်တော့ အမေက လတိုင်း Wifi bill ပေးဆောင်လေ့ရှိသည်။ ဒါပေမဲ့ ဒီလတော့ ကျွန်တော်ပေးဆောင်ဖို့ ဆုံးဖြတ်ခဲ့သည်။ ဒါဟာ Hive Platform မှာကြိုးစားရင်း ကျွန်တော့်ရဲ့ စွမ်းဆောင်ရည်ကို အိမ်က မိသားစုဝင်များ အသိမှတ်ပြုစေဖို့ ဖြစ်သည်။ ဘာလို့လဲဆိုတော့ ကျွန်တော်က Online earning လုပ်နေပြီး အိမ်ကိုဘာမှ ကူညီမှုမပေးနိုင်ဘူးဆိုရင် မိသားစုဝင်များက Hive Platform ကို အထင်သေးနိုင်သည်။ ဒါကြောင့် Wifi bill ကို ဆောင်ပေးခြင်းဖြင့် မိသားစုဝင်များကို ကူညီပေးခြင်းဖြစ်သလို Hive Platform ရဲ့ရှင်သန်နေမှုကို ဖော်ပြခြင်းဖြစ်ပါတယ်။ ဒါ့အပြင် ကျွန်တော်တို့အိမ်မှ Wifi ကိုအနီးပတ်ဝန်းကျင်မှ လူတချို့လည်း သုံးစွဲကြပါသည်။ ဒါကြောင့် သူတပါးကို ကူညီရာလည်း ရောက်ပါသည်။
Wifi bill အတွက် ကျေးဇူးအရမ်းတင်ပါတယ် Hiveရေ...
