မေတ္တာနှင့်ပေးသော ပန်း…….(၂)
“ ဒေါ်မြင့်မိုရ်”
နာမည်ကိုတွေ့လိုက်တော့ သွယ်လေးတစ်ယောက် ကြောက်စိတ်လိုလို ဘာလိုလိုဖြစ်လာပါတယ်။တစ်ခါမှမကြုံဘူးလေတော့ ရင်ထဲမှာ စိတ်လှုပ်မိတာအမှန်ပင်။ဒါပေမယ့်လဲ အလုပ်တစ်ခုက အင်တာဗျူးပြီးမှရမှာဆိုတော့လဲ မိမိစိတ်ကို အားပြန်တင်းလိုက်ပါတယ်။
Image Credit-Orginal Source
“အော် ထိုင်” ဟု ဒေါ်မြင့်မိုရ်မှ သွယ်လေးအားထိုင်ခုံတွင် ၀င်ထိုင်ခိုင်းလိုက်ပါသည်။သွယ်လေးလဲ ထိုင်ခုံတွင်ထိုင်ပြီး ဘာတွေများမေးမလဲဆိုတာကို စိတ်ထဲမှာတွေးရင်း ရင်တွေတုန်နေပါပြီ။
“ CV Form ထဲမှာ နာမည်က သွယ်လေးနော်”
“ ဟုတ်ကဲ့”
“အဖေ နာမည်က ဦးသက်မောင်နော် ”
“ဟုတ်ကဲ့”
“အဖေနာ့မည်နဲ့တောင် တူနေပါလား”ဟု မြင့်မိုရ်စိတ်ထဲမှတွေးလိုက်မိပါသည်။
“ဘွဲ့ရထားပြီးသားနော် လုပ်ငန်းအတွေ့အကြုံရောရှိလား”
“ဟုတ်ကဲ့ လုပ်ငန်းအတွေ့အကြုံတော့ မရှိသေးပါဘူး အခုမှစလုပ်မှာပါ”
“ကုမ္ပဏီနဲ့ပတ်သက်ပြီး ဘာတွေလေ့လာထားလဲ”
“ဟုတ်ကဲ့ ကုမ္ပဏီက အလှကုန်ဖြန့်ချီတဲ့ကုမ္ပဏီဖြစ်တာရယ် နောက်ပြီး အချိန်နှစ်အနည်းငယ်ဘဲရှိပေမယ့် အနေအထားတစ်ခုမှာခိုင်မာစွာရပ်တည်နေနိုင်တာကိုတော့သိထားပါတယ်။”
“မဆိုးပါဘူး ကိုယ်လုပ်မယ့်အလုပ်ကိုတော့ လေ့လာထားတာဘဲ”
“ကျွန်မတို့အလုပ်ကတော့ အလှကုန်ဖြန့်တဲ့ကုမ္ပဏီဆိုတော့ SuperMarket တွေမှာ Promotion Area လေးတွေလုပ်ပြီးရောင်းရမှာ လုပ်နိုင်ပါ့မလား နောက်ပိုင်းကတော့ ကိုယ်ကြိုးစားရင် ကြိုးစားသလိုအဆင့်ဆင့်သွားမှာပေါ့”
“ဟုတ်ကဲ့ ကြိုးစားလုပ်ပါ့မယ်”
“လစာကတော့ အခြေခံလစာရယ် ခရီးစရိတ်ရယ် ပစ္စည်းကိုကိုယ်ရောင်းနိုင်တဲ့အပေါ်မှာလဲ ရာခိုင်နှုန်းနဲ့ခံစားခွင့်ရှိမယ်”
“အလုပ်ဆင်းမယ်ဆိုရင်တော့ အခုဒီပုံစံနဲ့တော့ မဖြစ်ဘူး ကျွန်မတို့ကအလှကုန်ရောင်းမှာဆိုတော့ ကိုယ်ရောင်းတဲ့ပစ္စည်းအပေါ်မှာ လူတွေကစိတ်ဝင်စားအောင် နည်းနည်းပါးပါး လှအောင်ပြင်ထားဖို့လိုမယ်၊ ခေတ်ဆန်ဖို့လဲမလိုသလို ခေတ်နောက်ကျတဲ့ပုံစံမဖြစ်ရင်ရပါတယ်။”
“ဟုတ်ကဲ့ အတတ်နိုင်ဆုံးကြိုးစားပါ့မယ်”
“ဒါဆိုရင် မရှင်းတာဘာသိချင်သေးလဲ အဆင်ပြေရင် မနက်ဖြန်စဆင်းလို့ရပြီ”
“ဟုတ်ကဲ့ ကျေးဇူးပါဘဲ မနက်ဖြန်စဆင်းပါ့မယ်” အလုပ်ရပြီဆိုတော့ သွယ်လေးတစ်ယောက် စိတ်ထဲမှာ ၀မ်းသာပျော်ရွှင်မိနေပါတယ်။ပထမဆုံးလုပ်ရမယ့်အလုပ်ဖြစ်တာကြောင့် ပိုပြီးလဲစိတ်လှုပ်ရှားနေပါတယ်။
“အမေရေ အမေ”
“ဟဲ့ သမီး ဘာဖြစ်လာတာတုန်း”
“ဘာမှမဖြစ်ပါဘူး အမေရဲ့ အမေ့ကို ၀မ်းသာစကားပြောမလို့ပါ သမီးအလုပ်ရပြီ အဲဒါမနက်ဖြန်စဆင်းရမှာ အလုပ်ရပြီဆိုတော့ သမီး အမေ့ကိုလုပ်ကျွေးလို့ရပြီပေါ့နော်”
“အေးပါ သမီးရယ် အမေ၀မ်းသာပါတယ်”
“ဒါပေါ့ အမေရဲ့ အခုဆို သမီးရဲ့ရည်မှန်းချက်တွေပြည့်တော့မယ်”
ဒေါ်သူဇာတစ်ယောက် သမီးဖြစ်သူ၏ ပျော်နေသောအဖြစ်ကို ကြည့်ရင်း စိတ်ထဲမှာ ၀မ်းသာဝမ်းနည်းဖြစ်လို့နေပါတယ်။ သမီးကအလုပ်လုပ်ပြီး ပြန်ရှာကျွေးမယ်ဆိုတော့ ၀မ်းသာရသလို သမီးလေးအခုလိုအလုပ်လုပ်နေရတာဟာ မိဘတွေကပြည့်စုံ အောင်မထားနိုင်တဲ့အပြင် မိတကွဲ ဖတကွဲဖြစ်ခဲ့ရတဲ့အတွက် သမီးလေးအပေါ်မှာ စိတ်မကောင်းဖြစ်မိပါတယ်။ “အချိန်တစ်ခု ရောက်လာရင်တော့ သမီးလေးသိသင့်တာကို အမေပေးသိပါ့မယ် သမီးရယ်” ဟုသာ စိတ်ထဲမှတွေးထားလိုက်ပါသည်။
Image Credit-Orginal Source
ဒီနေ့မနက်တော့ သွယ်လေးတစ်ယောက် ဘ၀ရဲ့ပထမဆုံးအလုပ်ဆီကို တက်ကြွတဲ့ခြေလှမ်းများနဲ့ ထွက်လာခဲ့ပါတယ်။ရုံးရောက်တော့ အလုပ်လုပ်နေကြသည်မှာ သွယ်လေးအတွက်တော့ အသစ်အဆန်းများဖြစ်နေပါသည်။ဒီလိုနဲ့ ရုံးခန်းထဲဝင်ပြီး မန်နေဂျာကို ရောက်ပြီဆိုတဲ့အကြောင်း သတင်းဝင်ပို့လိုက်ပါတယ်။မန်နေဂျာမှ ယူနီဖောင်းဝတ်ရန် ပေးပြီး မိမိသွားရောက်ရမည့် အရောင်းကောင်တာဆီကို ရုံးမှ လိုက်ပို့ပေးလိုက်ပါတယ်။နောက်နေ့တွေမှာလဲ သွယ်လေးသည် မိမိတာဝန်ကို ကျေပွန်စေရမည်ဆိုသည့်စိတ်ဖြင့် ကြိုးစားလုပ်ကိုင်ခဲ့ပါတယ်။တစ်ရက်မှာတော့ သူဌေးမှ သွယ်လေးအားတွေ့ချင်သည်ဟု သိသောအခါ
“ကျွန်မရောက်ပါပြီရှင့်”
“အော် ထိုင် ရှင့်ကိုကျွန်မ ပြောချင်တာက ရှင်ပြင်ဖို့ဆင်ဖို့အတွက်စာရင်းကိုင်ကိုပြောထားတယ် ငွေထုတ်သွားလိုက်ပါ”
“ရှင် ကျွန်မမယူပါရစေနဲ့”
“ရှင်ရဲ့ ရိုးသားမှုကို ကျွန်မသိပါတယ် ဒါပေမယ့် ကျွန်မတို့ရဲ့ ပစ္စည်းတွေပေါ်မှာ ၀ယ်သူတွေရဲ့ ယုံကြည်မှုရအောင်လို့ပါ နောက်ပြီး ဒီငွေတွေကလဲ ကုမ္ပဏီကပေးတာပါ ၀န်းထမ်းပေါ်မှာ ရင်းနှီးမြုပ်နှံထားတဲ့သဘောပါဘဲ”
“ကျွန်မ အလကားတော့မယူပါရစေနဲ့ ကျွန်မရဲ့လစာထဲကနေ နည်းနည်းစီတော့ဖြတ်သွားပေးပါ”
“အဲဒီလိုလဲ မတွေးပါနဲ့ ဒါက ကုမ္ပဏီကနေ၀န်ထမ်းတိုင်းကိုပေးနေကျပါဘဲ အဲဒီအတွက်စိတ်ထဲမှာလဲ ဘာမှမဖြစ်နဲ့”
“ဟုတ်ကဲ့ သွယ်လေး အရမ်းကျေးဇူးတင်ပါတယ်”
“ကျေးဇူးတင်တယ်ဆိုရင် အလုပ်ကိုဒီထက်ကြိုးစားပေးပေါ့”
သွယ်လေးရဲ့စိတ်ထဲကနေ သူဌေးကို အထင်ကြီးလေးစားစိတ်များပိုလို့သွားပါတယ်။အသက်ငယ်သလောက် ၀န်ထမ်းတွေပေါ်မှာ ဂရုစိုက်မှုတွေက မလေးစားဘဲ မနေနိုင်အောင်ပါဘဲ။သွယ်လေး အလုပ်ကိုဒီထက် ပိုကြိုးစားဖို့ ဆုံးဖြတ်လိုက်ပါတယ်။
Image Credit-Orginal Source
ဒီလိုနဲ့ သွယ်လေးအလုပ်လုပ်ခဲ့ရာမှာ ၁လပြည့်မြောက်လို့ လစာပင်ထုတ်ခဲ့ရပါပြီ။သွယ်လေး ရည်မှန်းထားသည့်အတိုင်း ပထမဆုံးလစာကို အဖေနှင့်အမေကို ဦးစွားကန်တော့ဖို့အတွက် အမေ့ကို အဖေ့ရဲ့အကြောင်းသိအောင်မေးမှဖြစ်ပါတော့မယ်။ ဒါကြောင့်သွယ်လေးလဲ အမေ့ကို အဖေ့အကြောင်းမေးရန် အိမ်ကိုအတွေးစိတ်ကူးလေးနဲ့ ပြန်ခဲ့လိုက်ပါတော့တယ်။
ဆက်ပါဦးမည်။……
